Ahib 11:23 - ÎVUKU RÎA ÛVORO MWARO

²³ Nîûndû wa wîtîkio aciari a Musa nîmaamûthithire vandû va mîeri îthatû arîkia gûciarwa. Nîmoonire atî ke aarî mwana mûthaka, nao matagwîtigîra nîmaaregire kwathîkîra watho wa mûthamaki.

Ahib 11:23 ပူးပေါင်းရင်းမြစ်များ

Thaburi 118:6

Ngai-Mûnene arî vamwe nanie, gûtirî kîndû nîngîtigîra; mûndû angîvota kûmbîka atîa?

Thaburi 56:4

Nîîvokete Ngai, na nîke ngumagia; nie nîîvokete Ngai na ndiîtigagîra. Mûndû angîmbîka atîa?

Ntha 1:16

Nîwamerire atîrî, “Vîndî îrîa mûgûtethia aka Ahibirania gûciara ûragagani kaana ethîrwa nî kavîcî, nwatî ethîrwa nî kerîtu mûkareka gatûûre.”

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Ciîko 7:20

Vîndî îo nîrîo Musa aaciarirwe. Nake aarî mûthaka mûno. Nîwarererwe mûciî kwa îthe îvindarî rîa mîeri îthatû.

Ahib 13:6

Kwoguo tûrî na ûmîrîru nwa tuge atîrî, “Mwathani nîke ûndethagia, nie ndigeetigîra. Nî atîa mûndû wana ûrîkû angîmbîka?”