Ahib 11:13 - ÎVUKU RÎA ÛVORO MWARO

¹³ Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 11:13 ပူးပေါင်းရင်းမြစ်များ

Kîam 21:34

Iburahimu nîwatûûrire vûrûrirî wa Afilisiti arî mûgeni îvinda îraca.

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 25:8

Aakwire arî mûkûrû mûno na akîthikwa.

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

Kîam 48:21

Jakovu nîwerire Josefu atîrî, “Tathikîrîria, nîrî vakuvî gûkua, nwatî Ngai akethagîrwa arî vamwe nawe na nîakaamûcokia vûrûrirî wa methe menyu.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Kîam 49:18

“Mbetererete ûvonokio waku we Ngai-Mûnene.

Kîam 49:28

Îno nîyo mîvîrîga îkûmi na îîrî ya Isiraeli na maûndû mau nîmo îthe aamerire rîrîa aamarathimaga. Aamarathimire wa mûndû na kîrathimo kîrîa Kîammwagîrîrîte.

Kîam 49:33

Rîrîa Jakovu aarîkirie kwarîria avîcî ake, nîwamamire rîngî akînakua.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Thaburi 119:19

Nie nîrî mûgeni gûkû nthî; ndûkanthithe maathani maku.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Ntha 2:22

na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”

Alawi 25:23

“Mûtiagîrîrwe nî kwendia mûgûnda wenyu viû, nîûndû tî wenyu. Nî wakwa, na mue mûrî ageni evîtûkîri arîa etîkîrie gûûtûmîra.

Ndari 10:30

Hobabu nîwacokirie atîrî, “Naarî nie tîmbûka, nîkwa ngûcoka vûrûrirî wetû na kûrî andû etû.”

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

Mathaayo 13:17

Nie nîramwîra na ma atî, arathi eengî na andû eengî a Ngai nîmeendaga kwona maûndû marîa mue mwonaga nwatî matiamoona. Nîmeendaga kwîgua maûndû marîa mue mwîgucaga nwatî matiameegua.

Johana 12:41

Isaia aaugire ûguo nîûndû nîwonire riiri wa Jesû na akîaria ûvoro ûmwîgiî.

Johana 8:56

Îthe wenyu Iburahimu nîwakenire agîîciria atî nîakoona îvinda rîrîa ngaaûka. Ke nîwarîonire na agîkena.”

Aroma 4:21

Iburahimu nîwamenyire na ma atî Ngai nwa akaavingia ûrîa wonthe eranîrîte.

Aroma 8:24

Nîûndû twavonokirue nîûndû wa kîîrîgîrîro kîu. Nwatî ethîrwa tûrî onu kîrîa twîrîgagîrîra, gûtirî na vata wa gûkîîrîgîrîra nîûndû gûtirî mûndû wîrîgagîrîra kîrîa arona.

2Akor 4:18

Nîûndû meciria metû matirî kûrî indo irîa cionekaga nwatî marî kûrî indo irîa itonekaga. Indo irîa cionekaga itûûraga kavinda kanini, nwatî irîa itonekaga itûûraga tene na tene.

2Akor 5:6

Kwoguo vîndî cionthe twîthagîrwa tûrî na ûmîrîru. Tue nîtwîcî atî vîndî îrîa tûrî mwoyo gûkû nthî tûrî na mwîrî, twîthagîrwa tûrî kûraca na Mwathani.

Aefeso 2:19

Kwoguo, mue andû a Ndûrîrî mûtirî ageni kana avîtûki rîngî, nwatî rîu nîmûtuîkîte kîndû kîmwe na andû a nyomba ya Ngai.

Ahib 11:14

Arîa maragia maûndû ta mau nîmonanagia waro atî nîkwa maracaria vûrûri wao.

Ahib 11:17

Nîûndû wa wîtîkio Iburahimu nîwavecanire mûvîcî Isaka atuîke îgongoona vîndî îrîa Ngai aamûgeririe. Iburahimu nîke wavetwe kîîranîro nî Ngai, nwatî ke nîwevarîrîtie kûvecana mwana wake wa mûmwe atuîke îgongoona.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

Ahib 11:39

Nîûndû wa wîtîkio wao andû acio onthe nîmaagîre na ngumo mbaro. Nwatî matianyita kîrîa Ngai aamerîrîte,

1Pet 1:1

Nie Petero mûtûmwa wa Jesû Kristû nîrandîkîra arîa mathuurîtwe nî Ngai, arîa matûûraga mathamîrîte na makanyagarûka mavûrûrirî ma Ponto, Galatia, Kapadokia, Asia na Bithînia.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

1Joh 3:19

Ûndû ûyû nîguo ûgaatûmenyithagia atî tûrî a ma, na atî twîthagîrwa tûtarî na nganja ngororî cietû tûrî mbere ya Ngai.