Ahib 11:12 - ÎVUKU RÎA ÛVORO MWARO

¹² Wana ethîrwa Iburahimu aarî ta ûyû mûkuû, kuuma kûrî ke nîgwaciarirwe andû maarî eengî ta njata cia îgûrû kana ta mûthanga ûrîa ûtangîtarîka ûrî rûtere rwa îria.

Ahib 11:12 ပူးပေါင်းရင်းမြစ်များ

Kîam 15:5

Ngai-Mûnene nîwaumagaririe Aburamu nja na akîmwîra atîrî, “Taroria kûrîa îgûrû na ûgerie gûtara njata wone kana nîûkûvota. Njiarwa ciaku nîikengîva ta njata icio.”

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 32:12

Nwatî we nîwambîrire atî nîûkaanthondekera maûndû makwa monthe, na atî nîûkaamva njiarwa nyîngî itangîtarîka ta mûthanga ûrîa ûrî rûtere rwa îria.”

2Sam 17:11

Ûrîa ngûgûtaara nî atî, ûcokanîrîrie Aisiraeli onthe vamwe kuuma Dani nginya Berisheba, mengîve ta mûthanga ûrîa wîthagîrwa ûrî rûtererî rwa îria, na ûmatongorie mbaararî we mwene.

1Atha 4:20

Andû a Juda na a Isiraeli maarî eengî ta mûthanga ûrîa wîthagîrwa ûrî rûtererî rwa îria. Nao maatûîre marîcaga, manyunyaga na makenaga.

1Maû 27:23

Mûthamaki Daudi ndaanatara andû arîa maarî na ûkûrû wa nthî ya mîaka mîrongo îîrî, nîûndû Ngai-Mûnene nîwerîrîte andû a Isiraeli atî nîagaatûma mengîve wata njata cia îgûrû.

Nehemia 9:23

We nîwatûmire njiarwa ciao ciongerereke wata njata cia îgûrû. Nîwamavere vûrûrirî ûrîa werîrîte methe mao ma tene atî magaûtonya mawîgwatîre ûtuîke wao.

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Isaia 10:22

Wana ethîrwa andû aku Aisiraeli nî eengî ta mûthanga ûrîa ûrî rûtererî rwa îria, nî andû anini tu magaacoka. Nîkûvangîtwe andû macûkangue, na gûcûkangua kûu gûgekîka na kîvooto.

Isaia 48:19

Njiarwa ciaku ingîengîvîte ta mûthanga, ciana ciaku ingîengîvîte ta tûthiga twa mûthanga, rîîtwa rîao rîtikaathengutua kana rîcûkangua.”

Jeremia 33:22

Wata ûrîa njata cia îgûrû na mûthanga ûrîa ûrî ndeererî cia îria ûtangîtarîka, nwa ta guo ngaatûma njiarwa cia Daudi na athînjîri-Ngai a mûvîrîga wa Lawi arîa mandungatagîra mongerereke.”

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Habakuku 1:9

“Onthe maûkîte gwîka waganu; waganu ûrî mbere yao wa ûrîa marathiî na mbere, marocania andû engî ta mûthanga, makamatua mîgwate.

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

Gûco 1:10

Ngai-Mûnene, Ngai wenyu nîatûmîte mwîngîve ta njata cia îgûrû.

Gûco 28:62

Wana ethîrwa mwîngîvîte ta njata cia îgûrû mûgaatigara andû anini, nîûndû nîmwaregire kwathîkîra Ngai-Mûnene Ngai wenyu.

Josh 11:4

Nao athamaki acio onthe nîmaaûkire na athigari ao a mbaara. Athigari acio onthe a mbaara meengîvîte ta mûthanga ûrîa ûrî rûtererî rwa îria. Na maarî na mbarathi nyîngî na ikaari ciacio.

Kûguû 20:8

Arekererua nîagaaûka nîguo avîtithie mavûrûri monthe marîa marî nthî, na nîmo Gogu na Magogu. Caitani nî akaamagomania vamwe nîguo marûe mbaara. Nao makethîrwa mengîvîte ta mûthanga ûrîa ûrî rûtererî rwa îria.

Atir 7:12

Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.

1Sam 12:5

Nake Samueli nîwacokirie na akiuga atîrî, “Ngai-Mûnene wa vamwe na mûthamaki ûrîa ke eetîrîrie maguta nî aira ûmûnthî, atî mue nî mwona ndirî na mavîtia.” Nao andû makiuga atîrî, “Îni, Ngai-Mûnene nî mûira.”