Ahib 10:5 - ÎVUKU RÎA ÛVORO MWARO

⁵ Nîûndû wa ûguo rîrîa Kristû aarî vakuvî gûka gûkû nthî, nîwerire Ngai atîrî, “We ndwendaga magongoona na matega, nwatî we nîûvarîrîtie mwîrî nîûndû wakwa.

Ahib 10:5 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Isaia 1:11

Ngai-Mûnene arauga atîrî, “Magongoona meengî marîa mûndutagîra nî ma kî? Nîrî mûnogu nî matega menyu ma kûvîvua ma ndûrûme, na maguta ma nyamû cienyu irîa noru. Ndikenagua nî nthakame ya ndegwa, ya ndûrûme kana ya nthenge.

Isaia 40:16

Mûtitû wa Lebanoni ndûngiuma ngû mbîganu, kana nyamû ciakuo ciîgana cia kûmûrutîra îtega rîa kûvîvua.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 31:22

Nîwîkara ûkîagagaga nginya rî we mwarî ûyû ûtarî mwîvokeku? Nîûndû nie Ngai-Mûnene nîndûthîte kîndû gîcerû gûkû nthî, mûndûmûka agitagîra mûndûmûrûme.”

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Mathaayo 11:3

Nao nîmaamûririe atîrî, “We nîwe ûrîa Johana aaugire nî ûgûka kana nîkwa tûgweterera wîngî?”

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 7:19

na akîmatûma mathiî kûrî Mwathani makamûûrie atîrî, “We nîwe ûrîa Johana aaugire nîûgûka kana nîkwa tûgweterera wîngî?”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 1:6

Nwatî rîrîa Ngai aarî vakuvî kûrete Mûriû wake wa îrikithathi gûkû nthî nîwaugire atîrî, “Araika onthe a Ngai nwanginya mamûgooce.”

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 10:7

Nie nînaacokire ngiuga atîrî, ‘Nîrî ava nîguo mbîke wendi waku we Ngai, wata ûrîa ûvoro wakwa wandîkîtwe îvukuurî rîa Watho.’ ”

Ahib 10:8

Mbere Kristû aaugire atîrî, “We ndwendaga na ndûkenagua nî magongoona na matega, kana nyamû irîa îvîvîrîtue metharî ya kîgongoona nîguo ithengutie mevia.” Aaugire ûguo wana ethîrwa magongoona mau monthe maarutagwa kûringana na Watho.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Ahib 8:3

Mûthînjîri-Ngai mûnene wa wonthe athuuragwa nîguo avirage matega na magongoona ma nyamû kûrî Ngai. Kwoguo nwanginya Mûthînjîri-Ngai mûnene wetû ethîrwe arî na kîndû gîa gûtegera Ngai.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.