Ahib 10:38 - ÎVUKU RÎA ÛVORO MWARO

³⁸ Mûndû wa wonthe mûthingu nîagaatûûra mwoyo nîûndû wa gwîtîkia, nwatî ethîrwa nwa acoke na vuva ndingîkenua nîke.”

Ahib 10:38 ပူးပေါင်းရင်းမြစ်များ

2Sam 22:22

Nîmbathîkîrîte mawatho ma Ngai-Mûnene, na ndirî nagarûrûka ngatiganîria Ngai wakwa.

Thaburi 147:11

Nwatî Ngai-Mûnene akenagua nî arîa mamwîtigagîra, arîa mevokaga wendo wake ûtathiraga.

Thaburi 149:4

Nîûndû Ngai-Mûnene akenagua nî andû ake; nîatûmaga arîa enyivia mavootane.

Thaburi 5:4

We ûrî Ngai ûtakenagua nî waganu, we ndwîkaranagia na andû arîa aganu.

Thaburi 85:8

Tiga mbîgue ûrîa Ngai-Mûnene Ngai akuga; nîûndû nîarerîra andû ake thayû, ethîrwa matigûcoka gwîka maûndû ma ûrimû rîngî.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Ezek 3:20

“Mûndû mûthingu angîtiga ûthingu wake na agîcoka gwîka maûndû macûku, nîngekîra maûndû ma kûmûvînga mbere yake na mûndû ûcio nîagaakua. Nîûndû ndwanamûkania, nîagaakua nîûndû wa waganu wake. Ndikaaririkana ciîko ciake cia ûthingu na nîngaakûrîvia nthakame yake.

Ezek 33:13

Nwa mbîre mûndû ûrîa mûthingu atî nama nîagaatûûra mwoyo. Nwatî angîîvoka ûthingu ûcio wake na acoke gwîka maûndû macûku, maûndû make ma mbere ma ûthingu matikaaririkanwa. Agaakua nîûndû wa mevia make.

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Mathaayo 12:18

“Taroriani ndungata yakwa îrîa nie nîthuurîrîte, nîo mendete na nîngenaga nî yo. Nîngaamîva roho wakwa, nayo nîîkamenyithia andû a ndûrîrî îtuîro rîakwa.

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”

Agal 3:11

Na rîu nîgwîcîkene atî gûtirî mûndû ûngîtuwa mûthingu mbere ya Ngai nîûndû wa gwîka ûrîa watho ugîte. Nîûndû Mandîko Matheru maugîte atîrî, “Mûndû ûrîa ûgaatuwa mûthingu mbere ya Ngai na njîra ya gwîtîkia nîke ûgaatûûra mwoyo.”

1Ath 2:15

arîa maaûragire Mwathani Jesû na arathi na magîtûnyarira. Matiakenia Ngai na nîmaareganaga na andû onthe.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

Jakuvu 5:6

Mue nîmûtuîrîrîte na mûkaûraga andû arîa athingu na matireganaga namue.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.