Ahib 10:31 - ÎVUKU RÎA ÛVORO MWARO

³¹ Nîûndû wa gwîtigîrwa mûno mûndû kûgwa njararî cia Ngai ûrîa mûtûûra mwoyo!

Ahib 10:31 ပူးပေါင်းရင်းမြစ်များ

Thaburi 50:22

“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Thaburi 90:11

Nîûrîkû ûngîmenya vinya wa marakara maku? Nû wicî guoya îrîa yumanaga na marakara maku?

Isaia 19:16

Mûthenya ûcio andû a Misiri nîmakegua guoya ta aka, mainaine nî guoya rîrîa makoona Ngai-Mûnene mwene vinya wonthe aûkîrîrîtie njara yake nîguo amaverithie.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Luka 21:11

Kûndû kwîngî nîgûkaagîa na ithingithia inene, yûra, na mîrimû na kûgîe na maûndû ma kûmakania na ma kûgegania kuuma îgûrû.

Ciîko 13:11

Rîu Mwathani nîagûkûverithia. We nîûgûtuîka mûtumumu na gwa kavinda we ndûkaavotaga kwona ûtheri wa riûa.” Na vîndî wa îo Elimasi nîwatigire kwona na akîambîrîria kûrûra, akîgeragia gûcaria mûndû wa kûthiî amûtongoreretie amûnyitîte njara.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

Ahib 10:27

Vandû va ûguo ûndû ûrîa ûtigarîte nî gweterera tûrî na guoya îtuîro na mwaki mûnene ûrîa ûkaathiria arîa makararagia Ngai.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.