Ahib 10:3 - ÎVUKU RÎA ÛVORO MWARO

³ Nwatî magongoona marîa marutagwa mwaka wa mwaka, maririkanagia andû mevia mao.

Ahib 10:3 ပူးပေါင်းရင်းမြစ်များ

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

Ntha 30:10

Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”

Alawi 16:34

Mawatho mama nîmatûûra marûmagîrîrwa. Mambura mama nwanginya marûthagwe riita rîmwe wa mwaka nî mûthînjîri-Ngai nîûndû wa kûtheria mevia monthe ma andû a Isiraeli.” Kwoguo Musa nîwekire wata ûrîa Ngai-Mûnene aathanîte.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Johana 2:17

Nao arutwa ake nîmaaririkanire atî Mandîko Matheru nîmaugîte atîrî, “Kîîo kîrîa nîrî nakîo nîûndû wa nyomba yaku nîkîo gîkaandîa.”

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.