Ahib 10:29 - ÎVUKU RÎA ÛVORO MWARO

²⁹ Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 10:29 ပူးပေါင်းရင်းမြစ်များ

2Atha 9:33

Nake Jehu nîwamerire atîrî, “Mûvarûkieni nthî!” Kwoguo ndungata icio nîciavarûkirie Jezebeli nthî; nayo nthakame îmwe ya Jezebeli nîyaminjûkîre rûthingo, nayo îo îngî îkîminjûkîra mbarathi. Jehu nîwakinyangire mwîrî wa Jezebeli na mbarathi ciake na gîkaari gîake Kîam mbarathi.

Thaburi 143:10

Nthomithia gwîka wendi waku, nîûndû we nîwe Ngai wakwa. Tiga wega waku ûndongoragie nthiîcagîrîre njîrarî irîa nûngarû.

Thaburi 91:13

Nîûgaakinyanga mînyambû na ciîmvuva, nîûgaakinyanga twana twa mînyambû na twa njoka.

Ntha 24:8

Musa nîwocire nthakame îrîa yarî mbakûrirî na akîmîminjîria andû na akiuga atîrî, “Îno nîyo nthakame ya kîrîkanîro kîrîa Ngai-Mûnene aarîkanîre namue kîgiî maûndû mama monthe.”

Isaia 14:19

nwatî we ûtetwe nja kûraca na mbîrîra yaku, wîkariî ta kîvuno kîrî na magigi, kimba gîaku nî gîkinyange, gîkunîkîrîtwe nî ciimba cia andû maûragîtwe na rûviû, na gîgaikua îrimarî rîa mathiga.

Isaia 28:3

Nthûmbî ya mwîtîîo wa mîrîu îo ya Efiraimu nîgaakinyangîrwa nthî.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 1:5

“Mbere ya ngûmba îvurî rîa nyûkwe nînagwîcî, na mbere ya ûciarwe nînakwamûrire; nînakûthuurire ûtuîke mûrathi kûrî mavûrûri.”

Maca 1:15

“Mwathani nîaregete athigari onthe njamba arîa mangitagîra. Nîatûmîte athigari a mbaara, matharîkîre anake akwa. Mwathani aakinyangire andû a Juda, ta thavibu kîvivîrorî Kîam ndivei.

Ezek 16:6

“Rîrîa naavîtûkîrîre vakuvî nawe nînoonire ûkîgaragara nthakamerî yaku na ngiuga ûtûûre mwoyo.

Danieli 8:13

Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.

Maariko 7:2

Nao nîmoonire arutwa amwe ake makîrîa irio na njara irî na mûgiro; ûguo nî ta kuga na njara itarî nthambie.

Luka 12:10

“Mûndû wa wonthe ûcambagia Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndarî vingo akooverwa.

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

1Akor 11:27

Kwoguo mûndû wa wonthe ûrîcaga mwîrî wa Mwathani kana akanyuîra gîkomberî gîake na njîra îtarî mbagîrîru nîatuîkaga mwîvia kûrî mwîrî na nthakame ya Mwathani.

1Akor 11:29

Nîûndû mûndû wa wonthe ûrîcaga mwîrî ûcio na akanyuîra gîkomberî kîu atakûmenya vata wa mwîrî wa Mwathani nîwîtucagîra ke mwene.

1Akor 15:25

Kristû nwa nginya akaathana nginya rîrîa Ngai akaavoota nthû cionthe ciake na aciige rungu rwa magûrû ma Mûrû wa Mûndû.

1Akor 15:27

Mandîko Matheru maugîte atîrî, “Ngai nîwigîte indo cionthe rungu rwa magûrû ma mûriû wa wake.” Nwatî mandîko Matheru makiuga, “Indo cionthe” irî rungu rwa magûrû ma mûriû wake, nîmaronania waro atî Ngai ke mwene, ûrîa waigire indo cionthe rungu rwa Kristû tî mûtarîre vo.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 2:11

Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 6:4

Andû arîa matiganîrîtie wîtîkio wao nî vinya kûmagarûra nîguo mavere. Nîûndû nîmonete ûtheri na magacama kîveo Kîam îgûrû na makagaîrwa Roho Mûtheru.

Ahib 6:6

Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.

Ahib 9:13

Ethîrwa andû arîa methagîrwa marî na mûgiro nîmaminjaminjagîrua nthakame ya mbûri na ndegwa, na mûu wa mori ya ng'ombe na makathera,

Ahib 9:20

Ke nîwaugire atîrî, “Nthakame îno nî mûvûri wa kîrîkanîro kîrîa Ngai aamwathire mwathîkagîre.”

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake