Ahib 10:23 - ÎVUKU RÎA ÛVORO MWARO

²³ Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 10:23 ပူးပေါင်းရင်းမြစ်များ

Thaburi 26:1

We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

Maca 3:23

Ciîthagîrwa irî njerû wa kîraûko wa kîraûko, nîûndû Ngai-Mûnene nîwakwîvokwa.

1Akor 1:9

Ngai nî mwîvokeku. Ke nîke wamwîtire nîguo mûgîe na ngwatanîro na Mûrû wake Jesû Kristû Mwathani wetû.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

2Akor 9:13

Wîra wenyu wa ûtungata nîwonanîtie atî nîmwathîkîrîte ûvoro mwaro ûrîa mumbûraga wa Kristû na andû eengî magaakumia Ngai nîûndû wa ûtaana wenyu na nîûndû nîmûgaanaga indo cienyu nao wa vamwe na andû arîa engî.

1Ath 5:24

Nake ûrîa ûmwîtaga nî agwîka ûguo nîûndû nîmwîvokeku.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Jakuvu 1:6

Nwatî nwanginya etie arî na wîtîkio na atarî na nganja. Mûndû wa wonthe ûgîcaga na nganja ekariî ta ndivû cia manjî ma îria irîa cikanagua na ivurutanagua nî rûkûngi.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.