Ahib 1:5 - ÎVUKU RÎA ÛVORO MWARO

⁵ Nîûndû Ngai ndaaneera mûraika wanarî ûmwe wake atîrî, “We wî Mûriû wakwa; ûmûnthî nînatuîka Aguo.” Wana Ngai ndaauga ûvoro wîgiî mûraika wanarî ûmwe atîrî, “Nie nîngaatuîka îthe wake, nake atuîke Mûriû wakwa.”

Ahib 1:5 ပူးပေါင်းရင်းမြစ်များ

2Sam 7:14

Nîngaatuîka îthe, nake atuîke mûvîcîwa. Angîkaavîtia nîngaamûverithia wata ûrîa mwana averithagua nî îthe.

1Maû 17:13

Nîngaatuîka îthe, nake atuîke mûvîcîwa. Ndikaathiria wendo wakwa ûtathiraga kûrî ke ta ûrîa nekire kûrî ûrîa warî mbere yaku.

1Maû 22:10

Nîakaandumîra hekarû. Nîagaatuîka mûvîcîwa nanie nduîke îthe. Nîngaatûma ûthamaki wake ûgîe na vinya na njiarwa ciake nîikaatha Isiraeli tene na tene.

1Maû 28:6

“Ngai-Mûnene nîwambîrire atîrî, ‘Mûvîcîguo Solomoni nîke ûkaandumîra hekarû na kîvaro gîakwa. Nînîmûthuurîte atuîke mwana wakwa nanie nduîke îthe.

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Ciîko 13:33

Na rîu Ngai nîavingîtie kîîranîro gîkî nîûndû wetû, tue ciana ciao. Akîvingîtie na njîra ya kûriûkia Jesû. Wa ta ûrîa kwandîkîtwe Thaburirî ya kaîrî atîrî: ‘We ûrî Mûriû wakwa; ûmûnthî nînatuîka Aguo.’

Ahib 5:5

Na njîra wata îo, Kristû wa nake ndeetîkîra kwînenevia nîûndû atî aarî Mûthînjîri-Ngai ûrîa mûnene. Vandû va ûguo, Ngai aamwîrire atîrî, “We nîwe Mûriû wakwa, ûmûnthî nînatuîka Aguo.”