Afil 4:7 - ÎVUKU RÎA ÛVORO MWARO

⁷ Naguo thayû wa Ngai ûrîa ûtangîmenyeka nî andû ûgekaragia ngoro na meciria menyu, nîûndû wa kwîthîrwa mûrî ndaarî ya Kristû Jesû.

Afil 4:7 ပူးပေါင်းရင်းမြစ်များ

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Ayubu 22:21

“We Ayubu, îgucanani na Ngai nîguo ûgîe na thayû; weka ûguo ûkonaga maûndû maro.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 29:11

Ngai-Mûnene arovecaga andû ake vinya! na arorathima andû ake na amave thayû.

Thaburi 85:8

Tiga mbîgue ûrîa Ngai-Mûnene Ngai akuga; nîûndû nîarerîra andû ake thayû, ethîrwa matigûcoka gwîka maûndû ma ûrimû rîngî.

Nthi 2:11

Ûkaagitagîrwa nî mîvango yaku mîaro; ûmenyo ûgaakûmenyagîrîra;

Nthi 4:6

Ndûkaregane na ûûgî, naguo ûgaakûmenyagîrîra, endaga ûûgî na ûgaakûgitagîra.

Nthi 6:22

Magaagûtongoragia rîrîa ûrî rûgendorî, magaakûgitagîra rîrîa ûmamîte, na magaagûtaaraga rîrîa waramûka.

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 48:22

Nwatî Ngai-Mûnene arauga atîrî, “Andû arîa aganu matikaagîa na thayû.”

Jeremia 32:16

Vuva wa kûnengera Baruku mûvîcî wa Neria maarûa cia kûgûra mûgûnda nînavoire ngiuga atîrî,

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Ndari 6:26

Ngai-Mûnene arokûmenyerera na akûve thayû.

Luka 1:79

Nîakaatherera arîa mekarîte ndumarî na ûgwatirî wa gîkuû, na atwerekerie njîrarî ya thayû.”

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

Aroma 8:6

Kwathwa nî mwîrî kûretaga gîkuû, nwatî kwathwa nî Roho kûretaga mwoyo na thayû.

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 3:19

Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Afil 1:1

Kuuma kûrî Paûlo na Timotheo, ndungata cia Jesû Kristû. Kûrî andû a Ngai onthe a Filipi arîa methagîrwa marî kîndû kîmwe na Jesû Kristû, wa vamwe na atongoria a kanitha na arîa mamatethagîrîria.

Afil 1:2

Wega na thayû wa Ngai Îthe wetû na wa Mwathani Jesû Kristû irogîa namue.

Afil 4:19

Ngai wakwa akaamûvecaga kîrîa kîonthe mûvataraga kûringana na ûtonga wake mwîngî ûrîa ûvecanagwa na njîra ya Jesû Kristû.

Afil 4:21

Kethiani andû onthe a Ngai arîa marî ûrûmwe na Jesû Kristû. Ariû na aarî a îthe wetû arîa tûrî nao gûkû nîmamûkethia.

Afil 4:9

Îkagani maûndû marîa mwathomire na mûkîamûkîra kuuma kûrî ciugo ciakwa wa vamwe na ciîko ciakwa. Nake Ngai ûrîa ûtûvecaga thayû akethagîrwa vamwe na mue.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

2Ath 3:16

Mwathani ûrîa arî ke kiumo Kîam thayû, aromûva thayû vingo cionthe na maûndûrî monthe. Mwathani nîekare namue muonthe.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Kûguû 1:4

Nie Johana nîrandîkîra makanitha marîa mûgwanja marî vûrûrirî wa Îsia: Gîa na wega na thayû kuuma kûrî Ngai, ûrîa ûrî kuo, warî kuo, na ûrîa ûgaûka, na kuuma kûrî maroho mûgwanja marîa marî mbere ya gîtî gîake Kîam ûthamaki,

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.