Afil 4:19 - ÎVUKU RÎA ÛVORO MWARO

¹⁹ Ngai wakwa akaamûvecaga kîrîa kîonthe mûvataraga kûringana na ûtonga wake mwîngî ûrîa ûvecanagwa na njîra ya Jesû Kristû.

Afil 4:19 ပူးပေါင်းရင်းမြစ်များ

Kîam 48:15

Nîwacokire akîrathima Josefu na akiuga atîrî, “Ngai ûrîa methe makwa Iburahimu na Isaka maatungatagîra, na nîke Ngai ûrîa ûtwîre andongoretie nginya ûmûnthî arorathima twana tûtû!

2Sam 22:7

Nakaîre Ngai-Mûnene nîrî mînyamaarorî, nînakaîre Ngai wakwa nîguo andethie. Nîwegwire mûgambo wakwa arî hekarûrî yake, nîwegwire makaya makwa.

2Maû 18:13

Nwatî Mikaia nîwaugire atîrî, “Wata ûrîa Ngai-Mûnene atûûraga mwoyo, ûrîa Ngai akambîra mbuge nîguo ngauga.”

2Maû 31:8

Rîrîa mûthamaki Hezekia marî na anene ake maaûkire na makîona irûndo icio, nîmaakumirie Ngai-Mûnene na magîkumia andû ake, Isiraeli.

Nehemia 5:19

Nînakûvoya, Ngai ûririkane kûmbîka waro nîûndû wa maûndû monthe marîa naneka andû aya.

Nehemia 9:15

“Mavûta nîwamavere mîgate kuuma îgûrû, na manyonda nîwamavere manjî kuuma rûciararî. Nîwamerire mathiî makegwatîre vûrûri ûrîa wamerîrîte atî nîûkaamava.

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Thaburi 130:7

We Isiraeli, îîvoke Ngai-Mûnene, nîûndû Ngai-Mûnene ethagîrwa arî na wendo ûtathiraga, na ethagîrwa arî na vinya mûnene wa kûvonokania.

Thaburi 36:8

Marîcaga irio nyîngî irîa ûmavecaga; na nîûmavecaga gîa kûnyua kuuma rûnjîrî rwa wega waku.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Mathaayo 6:32

(Maûndû mama monthe nîmo andû arîa matetîkîtie Ngai macaragia.) Îthe wenyu ûrîa wî îgûrû nîwîcî atî nîmûvatarîte maûndû mama monthe.

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Johana 20:27

Nake nîwacokire akîra Toma atîrî, “Vutia irema ino na Kîamra gîaku, na ûrorie njara ciakwa. Ta vutia mbaru ciakwa. Thirwa nî nganja na wîtîkie!”

Aroma 1:8

Ûndû wa mbere nie nîngûcokia Ngatho kûrî Ngai na njîra ya Jesû Kristû nîûndû wenyu muonthe. Nîûndû ûvoro wîgiî wîtîkio wenyu nîwîgucagwa nî andû onthe a nthî.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Aroma 8:18

Nie monaga atî mathîna marîa tûrî namo îvindarî rîîrî matingîringithanua wana vanini na riiri ûrîa tûkaaguûrîrua.

Aroma 9:23

Ke nwa wendaga kwonania riiri wake mwîngî kûrî andû arîa eeguîrîre ntha na nîtue aavarîrie tûgae riiri wake.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 2:7

Eekire ûguo nîguo mavindarî monthe marîa magaaûka akoonania magegania na ûnene wa wega wake. Eekire ûguo na njîra ya wendo ûrîa aatwonirie na njîra ya Jesû Kristû.

Aefeso 3:16

Mvoyaga Ngai atî kuuma kûrî ûtonga wa riiri wake amûvecaga vinya nyîngî ndarî yenyu na njîra ya Roho wake.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Afil 4:7

Naguo thayû wa Ngai ûrîa ûtangîmenyeka nî andû ûgekaragia ngoro na meciria menyu, nîûndû wa kwîthîrwa mûrî ndaarî ya Kristû Jesû.

Akol 1:27

Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

File 1:4

Filemona, mûrû wa îthe wetû, vîndî cionthe rîrîa nîravoya nîngûririkanaga na ngacokeria Ngai wakwa ngatho.

1Pet 5:1

Nie nîrî mûthuuri wa kanitha. Kûrî na ûndû ûmwe nîrenda kwîra athuuri arîa engî a kanitha methagîrwa gatagatîrî kenyu. Nîrî mûira wa mathîna marîa Kristû oonire, na nîngaagaîrwa riiri ûrîa ûkaaguûrua. Nîramûthaitha

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.