Afil 4:14 - ÎVUKU RÎA ÛVORO MWARO

¹⁴ Nwatî nîmwekire waro nîûndû wa kûnyitanîra na nie mathînarî makwa.

Afil 4:14 ပူးပေါင်းရင်းမြစ်များ

1Atha 8:18

nwatî Ngai-Mûnene nîwamwîrire atî, ‘Wana ethîrwa nîwendeete kûndumîra hekarû, nîwekire waro nîûndû wa gwîciiria ûguo,

2Maû 6:8

nwatî Ngai-Mûnene nîwerire vava Daudi atî, ‘Nîwaro nîûndû nîwagîre na wendi wa kûndumîra hekarû,

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Aroma 15:27

O ene nîmaakenere gwîka ûguo na nî ma nîmaagîrîrwe nî kûmatethia. Nîûndû ethîrwa Ayahudi nîmagaanîte kîrathimo Kîamo gîa kîîroho na andû a Ndûrîrî, andû a Ndûrîrî wanao nîmagîrîrwe nî kûruta indo ciao nîguo matethie Ayahudi.

Agal 6:6

Mûndû ûrîa ûthomithagua ûvoro wa Kristû nîwagîrîrwe nî kûgaanaga maûndû monthe maro na mûndû ûrîa ûramûthomithia.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.

1Tim 6:18

Atha itonga ituîke andû aro na ituîke itonga cia mawîra marîa maro. Maathe matuîke andû ataana na andû a kûgaana indo ciao na andû arîa engî.

Ahib 10:33

Mavinda mamwe nîmwarumagwa na mûgekwa naaî mûrî kîrîndîrî, na mavinda meengî mûkagwatanîra na arîa maathînagua na njîra wata îo.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.