Afil 3:9 - ÎVUKU RÎA ÛVORO MWARO

⁹ tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

Afil 3:9 ပူးပေါင်းရင်းမြစ်များ

Kîam 7:23

Ngai-Mûnene nîwathiririe ciûmbe cionthe irîa ciarî mwoyo gûkû nthî. Nîwathiririe andû, nyamû na iconi. Nuhu, andû arîa maarî nake thabinarî vamwe na nyamû nîo maavonokire.

1Atha 8:46

“Andû aku mangîgakwîvîria (nîûndû gûtirî mûndû ûtevagia) nawe ûtûmbwe nî marûrû na ûmarekererie kûrî nthû ciao imavoote na imatave marî mîgwate na imavire vûrûrirî wacio, ûrî kûraca kana gûkuvî;

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Thaburi 14:3

Nwatî onthe nî eviu, mevîtie ûndû ûmwe onthe. Gûtirî wanarî ûmwe wao wîkaga waro, gûtirî wanarî ûmwe.

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Mûvunjia 7:20

Nama gûtirî mûndû mûthingu gûkû nthî ûrîa wîkaga maûndû maro na ndevagia.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Mathaayo 9:13

Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”

Aroma 10:10

Nîûndû mûndû etîkagia na ngoro agatuuwa mûthingu, na akaumbûra na kanyua gake na akavonoka.

Aroma 16:7

Kethiani Anderoniko na Juniasi arîa Ayahudi wata nie na maarî njera vamwe nanie. Nîmecîkene mûno gatagatîrî ga atûmwa na nîmaatuîkire Akristiano mbere yakwa.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 2:16

Nwatî nîtûmenyete atî mûndû atucagwa mûthingu nîûndû wa gwîtîkia Jesû Kristû nwatî tî ûndû wa gwîka ûrîa watho ugîte. Natue twatuirwe athingu nî Ngai nîûndû wa gwîtîkia Kristû, nwatî tî ûndû wa ûrîa watho ugîte. Nîûndû gûtirî mûndû wanarî ûmwe ûtucagwa mûthingu nîûndû wa gwîka ûrîa watho ugîte.

Gûco 27:26

“ ‘Kûnyitwa nî kîrumi nî mûndû ûrîa ûkûregana na mawatho mama monthe ma Ngai na kûmavingia.’ “Nao andû onthe nîmakaauga, ‘Ameni!’

Afil 3:6

Nînaagîre na kîîo kîngî mûno gîa kûnyarira kanitha wa Kristû. Maûndûrî megiî ûthingu nîûndû wa kwathîkîra watho, ndiarî na ûcuke.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Jakuvu 3:2

Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

1Joh 3:4

Mûndû wa wonthe wîvagia nî areganîte na Watho nîûndû kwîvia nîkûrega Watho wa Ngai.