Afil 3:8 - ÎVUKU RÎA ÛVORO MWARO

⁸ Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Afil 3:8 ပူးပေါင်းရင်းမြစ်များ

1Atha 14:10

Kwoguo nîngaaretithîria andû a nyomba ya Jeroboamu mûthiro na mbûrage arûme a nyomba yaku arîa marî Isiraeli, arîa ngombo na arîa matarî ngombo vûrûrirî wa Isiraeli. Nîngaathiria andû a mûciî wa Jeroboamu, ta ûrîa mûndû avîvagia mai makathira monthe.

2Atha 9:37

nakîo kimba gîake gîkaanyagarûka ta mai mûgûndarî kûu vûrûrirî wa Jezireeli, na gûtirî mûndû ûkaavota gûkîmenya’ ”

Ayubu 20:7

mûthiiarî akaûra mana ta ûrîa kîoro gîake gîtecagwa. Nao arîa maanamwona maûranagie atîrî, ‘Athiîre kû?’

Thaburi 126:6

Arîa mathiîcaga makîrîraga makuîte mbeû cia kûvanda, magaacoka mîciî makenete, makuuîte maketha mao.

Thaburi 73:25

Nîûrîkû wîngî nîrî nake îgûrû tiga we? Gûkû nthî gûtirî kîndû mendete tiga we.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Malaki 2:3

Taroria, nîngaaverithia ciana cienyu, na nîûndû wa waganu wenyu, nîmûvake mothiû menyu mai ma nyamû irîa mûrutîte irî îtega kûrî nie. Nîngaacoka nîmwîngate ndige kûmwona.

Ndari 14:30

Gûtirî mûndû wanarî ûmwe wenyu ûgaatonya vûrûri ûrîa neranîre atî nî ngaamûva, tiga Kalebu mûvîcî wa Jefune na Joshua mûvîcî wa Nuni.

Luka 1:43

Ûndû ûyû mûnene ûguo wekîka kûrî nie nîkî, atî ng'ina wa Mwathani wakwa aûke gwakwa kûngethia?

Luka 11:20

Nwatî ethîrwa Ngai nîke ûmvotithagia kûrutûrûra ngoma, ûguo nî kwonania atî Ûthamaki wa Ngai nîûrîkîtie gûka kûrî mue.

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 14:7

Nake Jesû nîwerire arutwa ake atîrî, “Angîthîrwa na ma nîmûmbîcî, nîmûngîramenya wana nginya Vava. Nwatî kuuma rîu nîmwamûmenya na nîmwamwona.”

Johana 16:3

Andû nîmakaamwîka maûndû mama nîûndû matiîcî Vava na matimbicî.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 20:13

Nao nîmaamûririe atîrî, “Mûndûmûka ûyû ûrarîra nîkî?” Nake nîwamacokerie atîrî, “Nîûndû nîmakuuire Mwathani wakwa, na rîu ndiîcî varîa mamwigîte!”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Aroma 8:18

Nie monaga atî mathîna marîa tûrî namo îvindarî rîîrî matingîringithanua wana vanini na riiri ûrîa tûkaaguûrîrua.

Aroma 8:39

tî indo irîa irî îgûrû kana nthî kûrîa kûrikîru. Gûtirî kîndû wa kîonthe Kîam irîa ciûmbîtwe kîngîtûtigithania na wendo ûrîa Ngai atwendete naguo na njîra ya Jesû Kristû Mwathani wetû.

1Akor 2:2

Nîûndû rîrîa naarî vamwe namue nînatuire ndikarie ûndû wîngî wa tiga tu ûvoro wîgiî Jesû Kristû na gûkua gwake mûtharavarî îgûrû.

1Akor 9:10

Ke na ma akiuga ûguo aaugaga nîûndû wetû nîûndû mûndû ûrîa ûrîmaga na mûndû ûrîa ûkethaga nîmagîrîrwe nî kûruta wîra marî na mwîvoko wa kûnyita gîcunjî Kîam maketha.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Agal 1:16

anguûrîrie Mûriû wake nîguo mvote kûvunjia ûvoro mwaro ûmwîgiî kûrî andû a ndûrîrî, navunjirie ndakûria gûtaarwa nî mûndû.

Aefeso 4:13

Kwoguo tûrî vamwe tuonthe nîtûkaagîa na ûrûmwe wa wîtîkio na wa kûmenya Mûriû wa Ngai. Nîtûgaatuîka andû agima na tûkinyîre wîcûru wa ûgima wa Kristû.

Afil 1:1

Kuuma kûrî Paûlo na Timotheo, ndungata cia Jesû Kristû. Kûrî andû a Ngai onthe a Filipi arîa methagîrwa marî kîndû kîmwe na Jesû Kristû, wa vamwe na atongoria a kanitha na arîa mamatethagîrîria.

Afil 3:10

Ûndû ûrîa mendaga nî kûmenya Kristû wa vamwe na vinya wa kûriûka gwake, ngwatanagîre nake mathînarî make na mbîkare take ûvororî wîgiî gîkuû gîake,

Afil 3:12

Nditucaga atî nîrîmûgîu na kîndû kana atî nîrî mûkinyanîru viû, nwatî mbîthagîrwa ngîîrutanîria nîguo ngîe na kîveo nîûndû Kristû nîmûvootanu na akandua wake.

Afil 3:7

Nwatî maûndû monthe marîa nîngîatuire atî nîma vata, rîu monaga marî ma mana nîûndû wa Kristû.

2Tim 4:6

Nie Paûlo îvinda rîakwa rîa kuuma mwoyorî na rîa kûrutwa nîrî îgongoona nîrîkinyu.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

1Pet 2:7

Kûrî arîa mwîtîkîtie îthiga rîîrî nî rîa goro, nwatî kûrî arîa mûtetîkîtie: “Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.”

2Pet 1:2

Mûrotuîka a kwîngîvîrwa nî wega na thayû, nîûndû nîmûmenyete Ngai na Mwathani wetû Jesû.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

2Pet 1:8

Nîmûvatarîte kwîthagîrwa mûrî na maûndû mama na mekarage makîongererekaga. Na ethîrwa maûndû mau makongererekaga kûrî mue magatûmaga mûtuîke andû a vata na marî na maciaro ûvororî wîgiî kûmenya Mwathani wetû Jesû Kristû.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.