Afil 3:6 - ÎVUKU RÎA ÛVORO MWARO

⁶ Nînaagîre na kîîo kîngî mûno gîa kûnyarira kanitha wa Kristû. Maûndûrî megiî ûthingu nîûndû wa kwathîkîra watho, ndiarî na ûcuke.

Afil 3:6 ပူးပေါင်းရင်းမြစ်များ

2Sam 21:2

(Andû acio a Gibeoni matiarî Aisiraeli; maarî gakundi kanini ka andû a Amori. Aisiraeli nîmaamerîrîte atî nîmakûmagitîra, nwatî Saûlo nîwageretie kûmaûraga nîûndû nî kîîo kîrîa aarî nakîo kûrî andû a Isiraeli na a Juda.)

2Atha 10:16

Jehu nîwerire Jehonadabu atîrî, “Ûka tûthiî nawe nîguo ûkeyonere ûrîa nîîrutîrîte gûtungatîra Ngai-Mûnene.” Kwoguo nîmaathiîre Samaria marî gîkaarirî kîmwe.

Mûvunjia 7:16

Kwoguo ndûgatuîke mûthingu mûno na ndûgetue mûûgî mûno. Ûrenda gwîcûkangia nîkî?

Alawi 13:16

Nwatî rîrîa îtoo rîkaavora na rîcerûve rîngî, mûndû ûcio nîakaathiî kûrî mûthînjîri-Ngai,

Mathaayo 23:25

“Na kaî mue arimû a Watho na Afarisai mûrî na thîna-î! Mue mvinga ino! Mûthambagia ikombe na thaani cienyu gûkû îgûrû, nwatî ndaarî gwîcûrîte indo irîa mwonete na njîra ya gûcuunana na ya wîyendi.

Mathaayo 5:20

Nie nîramwîra atî, mue mûtigaatonya Ûthamakirî wa îgûrû tiga nwanga mwîthîrwe mûrî athingu gûkîra arimû a Watho na Afarisai.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Ciîko 22:5

Mûthînjîri-Ngai ûrîa mûnene na athuuri onthe a Kîamma nwa marute ûira atî nie nîraria ûma. Nîo maanengeere maarûa nîguo nîivire kûrî ariû na aarî a îthe wetû arîa maarî Damesiki. Kwoguo Nînathiîre kuo, ngînyita andû acio na ngîmarete gûkû Jerusalemu marî oove nîguo maverithue.

Ciîko 26:5

Mangîenda nwa marute ûira atî kwa îvinda îraca mbîthîrîtwe nîrî Mûfarisai wa ma. Afarisai nî Kîamma kîrîa kîrûmagîrîra mawatho na ndini ya Kîyahudi gûkîra ikundi irîa ciîngî cionthe.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 15:9

Nie nînie mûnini viû gatagatîrî ka atûmwa arîa engî onthe. Nie wana ndirî mwagîrîru wa gwîtwa mûtûmwa nîûndû nînaanyaririre kanitha wa Ngai.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

Atir 6:30

Andû a îtûûra rîu nîmaacokire makîra Joashi atîrî, “Ruta mûvîcîguo na gûkû nja tûmûrage, nîûndû nîomomorete metha ya kîgongoona ya Baali na agatemanga mûvuanano wa Ashera ûrîa ûrarî vakuvî nayo.”