Afil 3:18 - ÎVUKU RÎA ÛVORO MWARO

¹⁸ Ûndû ûyû nthiîte kûmwîra nanamwîra mavinda meengî, na rîu nwa ngûmwîra wa guo ngîrîraga naguo nî atî: andû engî matûûraga ta nthû cia gîkuû gîa Kristû mûtharavarî.

Afil 3:18 ပူးပေါင်းရင်းမြစ်များ

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Isaia 8:11

Ngai-Mûnene nîwangaanirie na vinya ndikarûmîrîre njîra cia andû aya. Aambîrire atîrî,

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Alawi 11:16

nyaga, kîvangariûki, ithumambûri,

Alawi 13:8

Mûthînjîri-Ngai nîakaamûroria rîngî, na ethîrwa mûrimû ûrî mûrendu, mûthînjîri-Ngai nîakaauga atî mûndû ûcio tî mûtheru; ûcio nî mûrimû mûcûku wa ngothi.

Luka 19:41

Rîrîa Jesû aakuvîrîrie îtûûra rîa Jerusalemu na akîrîona, nîwarîrire nîûndû warîo

Ciîko 20:19

Ayahudi nîmaatûmire nthînîke mûno nîûndû wa mîvango yao mîcûku. Nwatî mue nîmwicî atî nie nînatungatagîra Mwathani nîrî na wînyivia mwîngî na mavinda meengî ngetûrûraga methori.

Aroma 9:2

Nîrî na kîeva kîngî mûno vamwe na ûrûrû ûtarî mûthiia ngororî yakwa,

1Akor 1:18

Nîûndû Ndûmîrîri îrîa îgiî gûkua gwa Kristû mûtharavarî nî ûrimû kûrî arîa maraûra, nwatî kûrî tue arîa tûravonokua ndûmîrîri îo nîyo vinya wa Ngai.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

2Akor 11:13

Andû acio tî atûmwa a ma, o nî atûmwa a maveeni arîa maragia maveeni megiî wîra wao na nîmageragia kwîgarûra nîguo monekane ta atûmwa a Kristû.

2Akor 11:29

Rîrîa mûndû atarî na vinya, wananie mbîgucaga ndarî na vinya. Rîrîa mûndû atûma mûndû wîngî evie, nîmbîcûragwa nî marakara.

2Akor 2:4

Nie naamwandîkîre nîrî na mathîna meengî na kîeva kîngî mûno ngororî yakwa ngîtûrûraga methori. Mworoto wakwa ndwarî wa gûtûma mwîgue kîeva, nwatî warî wa gûtûma mûmenye ûrîa nîrî na wendo mwîngî kûrî mue muonthe.

Agal 1:7

Nî ma atî gûtirî “Ûvoro Mwaro wîngî.” Nîrauga ûguo nîûndû kûrî andû maramûthînia na makageria kûgarûra ûvoro mwaro wa Kristû.

Agal 2:14

Rîrîa nonire atî andû acio tîarûngîrîru kûringana na ûma wa ûvoro mwaro, nînerire Petero andû onthe marî vo atîrî, “We wî Mûyahudi, nwatî wîthîrîtwe ûgîtûûra ta andû a Ndûrîrî na tî ta Mûyahudi. Nî atîa vi ûngîvota kûringîrîria andû a Ndûrîrî gûtûûra ta Ayahudi?”

Agal 2:21

Ndireganîte na wega wa Ngai. Nwatî ethîrwa mûndû nwa atuwe mûthingu nî Ngai na njîra ya watho, ûguo nîta kuga Kristû aakwire mana.

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Agal 6:12

Andû arîa mageragia kûmûringîrîria mûrue, nî arîa mendaga gwîcaara ûvororî wîgiî maûndû mao ma mwîrî. Mekaga ûguo tu nîguo matikaanyarirwe nîûndû wa kûrûmîrîra mûtharava wa Kristû.

Agal 6:14

Nie vakwa ngetîîaga nîûndû wa mûtharava wa Mwathani wetû Jesû Kristû. Nîûndû na njîra ya gîkuû Kîam Jesû Kristû mûtharavarî, kûrî nie maûndû ma nthî îno nî ta makuîte na nie mvana ta mûndû mûkuû maûndûrî ma nthî.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Afil 1:4

Nînîmûvoyagîra muonthe vingo cionthe nîrî na gîkeno,

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

2Ath 3:11

Tue tûrauga ûguo nîûndû tûregua atî andû amwe gatagatîrî kenyu matirutaga wîra. Matindaga makîûrûra na magîtangaga andû arîa engî mawîrarî mao.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.