Afil 3:1 - ÎVUKU RÎA ÛVORO MWARO

¹ Ngîrîkîrîria, ariû na aarî a îthe wetû kenagani mûrî ûrûmwe na Mwathani. Tî mûrigo kûrî nie kûmwandîkîra maûndû wa marîa nanamwandîkîra rîngî, nîûndû ûndû ûcio nîwakûmûgitîra.

Afil 3:1 ပူးပေါင်းရင်းမြစ်များ

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

1Maû 16:10

Kenani nîûndû mûrî ake, arîa onthe mamûgoocaga nîmacanjamûke!

1Maû 29:22

Kwoguo mûthenya ûcio andû nîmaarîre na makînyua makenete mûno marî mbere ya Ngai-Mûnene. Nîmaacokire magîtua Solomoni mûvîcî wa Daudi mûthamaki riita rîa kaîrî. Nîmeetîrîrie Solomoni maguta mbere ya Ngai-Mûnene makîmûtua mwathi wao na Zadoku agîtuîka mûthînjîri-Ngai.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Ayubu 22:26

ûgakenaga nî Ngai mwene vinya wonthe, na wigage mwîvoko waku varî ke.

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 32:11

Mue andû arîa athingu, kenani na mûcanjamûke, nîûndû wa ûrîa Ngai-Mûnene ekîte. Mue arîa mûmwathîkagîra, ugîrîriani mûkenete!

Thaburi 33:1

Mue andû arîa athingu canjamûkani nîûndû wa Ngai-Mûnene, mûkumieni, mue muonthe arîa mûmwathîkagîra.

Thaburi 37:4

Cariani gîkeno kûrî Ngai-Mûnene, nake akaamûvecaga kîrîa mwîriragîria.

Thaburi 42:4

Ngoro yakwa nîthiragwa nî vinya rîrîa naririkana, ûrîa twathiîcaga na andû eengî, naamatongoragia makathiî gûtonya nyombarî ya Ngai, andû maakenete makinaga nyîmbo cia gûkumia Ngai maugîrîrîtie.

Thaburi 5:11

Nwatî tiga arîa onthe maûragîra kûrî we makene, tiga vîndî cionthe mainage makenete. Gitagîra andû arîa makwendete; makenage nîûndû wa maûndû marîa ûmekîrîte.

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 65:14

Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Zefania 3:14

Ina we mwarî wa Zayuni; ugîrîria we mwarî wa Zayuni! kena na ûcanjamûke ngoro, we mwarî wa Jerusalemu.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Zakaria 10:7

Andû a Efiraimu magaatuîka ta njamba cia vinya mbaara irî vinya, makaagîa na gîkeno ta andû manyuîte ndivei. Ciana ciao nîigaakena ciona ûguo, ngoro ciao nîigaakena nîûndû wa Ngai-Mûnene.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Luka 1:47

na roho wakwa nî ûkenete, nîûndû wa Ngai Mûvonokia wakwa,

Aroma 5:11

Na twa ûguo tu, nwatî nîtûkenete nî Ngai nîûndû na njîra ya Jesû Kristû nîtûtuîkîte arata ake.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 5:16

Kenagani vingo cionthe.

Jakuvu 1:2

Ariû na aarî a îthe wetû, rîrîa mwagîa na magerio ma mîthemba na mîthemba, nîmwagîrîrwe nî gwîcûragwa nî gîkeno,

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

2Pet 3:1

Arata akwa, îno rîu nîyo maarûa yakwa ya kaîrî kûmwandîkîra. Maarûarî wa cioîrî, nîngeretie kûrurumûkia meciria menyu mevokeku na njîra ya kûmûririkania maûndû mama.

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!