Afil 2:30 - ÎVUKU RÎA ÛVORO MWARO

³⁰ nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

Afil 2:30 ပူးပေါင်းရင်းမြစ်များ

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Aroma 16:4

Andû aya matietigîra gûkua nîguo mamvonokie. Nie nîngûcokia ngatho kûrî o, wana makanitha monthe ma andû a ndûrîrî nîmamacokeria ngatho.

1Akor 15:53

Kîrîa kîoraga nwa nginya gîkaagarûrûka gîtuîke kîrîa gîtoraga. Kîrîa gîkucaga nwa nginya gîkaagarûrûka gîtuîke kîrîa gîtangîkua.

1Akor 16:10

Timotheo aûka kûrî mue, geriani kwona atî nîwekarania namue atarî na guoya nîûndû araruta wîra wa Mwathani wata ûrîa ndutaga.

1Akor 16:17

Nîrîmûkenu mûno nîûndû Stefana, Fotunatuci na Akaiku nîmaaûkire kûrî nie vandûrî venyu.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 4:12

Ûguo nî kuga gîkuû kîthagîrwa gîkîruta wîra ndaarî yetû, naguo mwoyo wîthagîrwa ûkîruta wîra ndaarî yenyu.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Afil 2:27

Nama aarî mûrwaru na aarî vakuvî gûkua. Nwatî Ngai nîwamwîguîrîre ntha na wananie nîwambîguîrîre ntha na ngîthirwa nî kîeva kîrîa naarî nakîo.

Afil 4:10

Nîrî na gîkeno mûno nîrî ndaarî ya Mwathani, nîûndû vuva wa kavinda karaca nîmûgîte na kanya ga kûnîîciria. Ndirauga atî kûrî vîndî mwariganîrîtwe nî nie, nwatî mûtiagîa na kanya ga kwonania atî nîmûranîciria.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.

File 1:13

Nie nwa mende twîkare nake nîguo andethagie vandûrî vaku vîndî îno nîrî gûkû njera njovetwe nîûndû wa kûvunjia ûvoro mwaro.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.