Afil 2:26 - ÎVUKU RÎA ÛVORO MWARO

²⁶ Nîwîriragîria kûmwona muonthe na nîmûmaku mûno amenya atî nîmweguîte atî aarî mûrwaru.

Afil 2:26 ပူးပေါင်းရင်းမြစ်များ

2Sam 13:39

Nwatî rîrîa Daudi aathirirwe nî kîeva gîa gîkuû Kîam Amunoni, nîwerirîrie kwona mûvîcî Abusalomu.

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

Ayubu 9:27

Nîngiuga atîrî, ‘Nîngûtigana na mateta makwa, ndige gûtukia kîthithi na njanjamûke.’

Thaburi 69:20

Icambio nîimbûragîte ngoro, na nînthirîte vinya. Njarîtie wa kûmbîguîra ntha, nwatî nîmûturu; njarîtie mûndû ûngînyûmîrîria, nwatî ndimûmwonu.

Nthi 12:25

Gûtangîka ngororî nîgûtûmaga mûndû athirwe nî gîkeno, nwatî kiugo Kîamro nîgîtûmaga mûndû akene.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 26:37

Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake,

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Aroma 1:11

Nîûndû nîmendaga mûno kûmwona nîguo nîmûgaîre kîrathimo gîa kîîroho nîguo mûgîe na vinya.

Aroma 12:15

Kenagani na arîa marakena na mûrîrage na arîa mararîra.

Aroma 9:2

Nîrî na kîeva kîngî mûno vamwe na ûrûrû ûtarî mûthiia ngororî yakwa,

1Akor 12:26

Kîîga kîmwe Kîam mwîrî gîkathînîka, ciîga icio ciîngî cionthe nîithînîkaga vamwe nakîo. Nakîo kîîga kîmwe Kîam mwîrî gîkavewa gîtîîo ciîga icio ciîngî cionthe nîikenaga vamwe nakîo.

2Akor 9:14

Nîûndû wa wendo mûnene ûrîa marî naguo kûrî mue, makaamûvoyagîra nîûndû wa wega mwîngî wa Ngai ûrîa mûrî naguo.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Afil 1:3

Nînjokagia ngatho kûrî Ngai wakwa vingo cionthe rîrîa neciria ûvoro wenyu.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 2:25

Nîcirîtie na ngona kwagîrîrîte nîmûtûmîre Mûrû wa îthe wetû Epafarodito, ûrîa wîthîrîtwe vamwe nanie tûkîruta wîra tûrî athigari a ûvoro mwaro wa Jesû. Ke ethagîrwa arî mûnjaama wenyu ûrîa ûndethagia.

Afil 2:27

Nama aarî mûrwaru na aarî vakuvî gûkua. Nwatî Ngai nîwamwîguîrîre ntha na wananie nîwambîguîrîre ntha na ngîthirwa nî kîeva kîrîa naarî nakîo.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

1Pet 1:6

Kenani nîûndû wa ûguo, wana ethîrwa kûrî na vata wa mûgîe na kîeva kavinda kanini nîûndû wa magerio ma mîthemba mîîngî marîa maramûthînia.