Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Afil 2:21 - ÎVUKU RÎA ÛVORO MWARO

21 Andû acio engî onthe methagîrwa makîrûmbûiya wa mûndû maûndû make. Gûtirî mûndû wîciragia gwîka ûrîa Jesû Kristû angîenda gwîkwe.

အခန်းကိုကြည့်ပါ။ ကော်ပီ




Afil 2:21
19 ပူးပေါင်းရင်းမြစ်များ  

Nwatî mwakarî wa mîrongo îîrî na îthatû (23) Joashi arî mûthamaki, athînjîri-Ngai matiatûmîte andû macoke hekarûrî.


Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.


Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;


Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.


“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.


Nake Paûlo na arîa maarî nake nîmaathiîre marî îtarûrî kuuma Pafosi nginya magîkinya Periga vûrûrirî wa Pamufilia, kûrîa Johana Maariko aamatigire na agîcoka Jerusalemu.


Nwatî Paûlo eeciragia tî waro mathiîcanie nake, nîûndû Maariko nîwaregete kûrutithania wîra nao na akîmatiga Pamufilia.


Mûndû wa wonthe gatagatîrî kenyu ndagîrîrwe nî kwîthagîrwa agîcaria ûrîa angîîguna ke mwene, nwatî agîrîrwe nî kwîthîrwa agîcaria ûrîa angîguna andû arîa engî.


Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.


Wendani ndûrî rûng'athio na ndûcaragia tu wa ûrîa ûngîîguna. Wendani ndûrî marakara na ndûtaraga maûndû macûku marîa maanekwa.


Wata ûrîa tûrî na îgai înene mînyamarorî ya Kristû, nwa ta guo kûvîtûkîra kûrî Kristû tûgaaga ûmîrîru mwîngî kuuma kûrî Ngai.


Mûndû ndakaroragie vata wake tu, nwatî nî aroragie wana maavata ma andû arîa engî.


Nîwîcî atî andû onthe vûrûrirî wa Asia nîmandiganîrîtie, amwe ao nî Fugelo na Herimogene.


Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.


Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.


Rîrîa naavirirwe cirarî vîndî ya mbere ngeyarîrîrie, gûtirî mûndû warî mbarî yakwa, onthe nîmaandiganîrie.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ