Afil 2:17 - ÎVUKU RÎA ÛVORO MWARO

¹⁷ Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Afil 2:17 ပူးပေါင်းရင်းမြစ်များ

Ndari 28:6

Îtega rîîrî rîa kûvîvua nî rîa wa mûthenya na rîambîrîrie kîrîmarî gîa Sinai rîrî îtega rîa irio, rîrî na mûtararîka mwaro ûkenagia Ngai-Mûnene.

Ndari 28:7

Wa gatûrûme ga îtega rîa kûvîvua rîkaarutanagîrua na lita îmwe ya îtega rîarîo rîa indo cia kûnyuwa. Îtega rîu rîa ndivei rîgetûrûragwa metharî ya kîgongoona ya Ngai-Mûnene.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 4:12

Ûguo nî kuga gîkuû kîthagîrwa gîkîruta wîra ndaarî yetû, naguo mwoyo wîthagîrwa ûkîruta wîra ndaarî yenyu.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

2Akor 7:4

Nie nînîmwîvokete mûno; nînîtîîaga mûno nîûndû wenyu. Nîrî na ûmîrîru mathînarî metû monthe na nîmbîcûrîtwe nî gîkeno kîngî.

Afil 1:20

Nînîîriragîria mûno, na ngerîgîrîra atî ndigaaconoka nî ûndû wana ûrîkû, nwatî ngeethagîrwa nîrî na ûmîrîru rîu na vingo cionthe, nîguo mwîrî wakwa wonthe ûtûmage Kristû akumue ethîrwa nîrî mwoyo kana nîrî mûkuû.

Afil 2:18

Na njîra wata îo, wanamue nîmwagîrîrwe nîkwîthîrwa mûrî na gîkeno na mûnyitanîre na nie gîkenorî kîu.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

1Ath 2:8

Nîûndû wa ûrîa twamwendete, twa ûvoro mwaro wa Ngai wonga twevarîrîtie kûgaana namue, nwatî twevarîrîtie kûgaana namue nginya mîoyo yetû. Twekire ûguo nîûndû wa kûmwenda.

2Tim 4:6

Nie Paûlo îvinda rîakwa rîa kuuma mwoyorî na rîa kûrutwa nîrî îgongoona nîrîkinyu.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.