Afil 1:6 - ÎVUKU RÎA ÛVORO MWARO

⁶ Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 1:6 ပူးပေါင်းရင်းမြစ်များ

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

Johana 6:29

Nake Jesû nîwamacokerie atîrî, “Ûndû ûrîa Ngai endaga mwîke nî gwîtîkia mûndû ûrîa ke aatûmire.”

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

2Akor 1:15

Nie nînaamenyete ûndû ûyû waro na nînathondekire mîvango ngaaûka nîmûcerere mbere, nîguo mûgîe na gîkeno maita maîrî.

2Akor 2:3

Kîu nîkîo gîatûmire mandîka maarûa îo kûrî mue. Nie ndiendaga gûka kûrî mue na mbîgwithue kîeva nî andû wa arîa magîrîrwe nî gûtûma ngene. Nîrî na ûma atî vîndî îrîa ngenete, wa namue muonthe mûrî akenu.

2Akor 7:16

Nie nîngenaga nîûndû nînîmwîvokete mûno.

2Akor 9:4

Nwatî ethîrwa nwa tûke na andû amwe kuuma Makedonia na mone atî mue mûtirî evarîriu, tue nîtûgaaconoka wana tûtagûtara gîconoko kîenyu nîûndû nîtwîthîrîtwe tûmwîvokete mûno.

Agal 5:10

Nîrî na mwîvoko atî mûtingîgarûrûka nîûndû tuonthe tûrî na ûrûmwe na Mwathani. Nake mûndû ûrîa ûramûthînia wana ethîrwa ke nû, nî agaatuîrwa nî Ngai.

Aefeso 4:12

Eekire ûguo nîguo avarîrie andû onthe a Ngai nîûndû wa wîra wa gûtungata, nîguo ekîre mwîrî wa Kristû vinya.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 1:29

Mue nîmûvetwe kamweke ga gûtungatîra Kristû, tî na njîra ya kûmwîtîkia nwatî nî wana ya kûthînua nîûndû wake.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

2Ath 3:4

Mwathani nîatûmaga tûgîe na mwîvoko îgûrû rîenyu atî nîmwîkaga maûndû marîa twamwîrire na nîmûkûthiî na mbere gwîka wa ûrîa tûkûmwîra.

File 1:21

Nîrandîka maarûa îno nîrî na mwîvoko atî we nîûgwîka ûguo nakûria wîke. Nîrî na ma we nîûgwîka wana makîria ya ûguo.

Ahib 10:35

Kwoguo mûtikaûrwe nî vinya nîûndû mwathiî na mbere na kûmîrîria, nîmûkaagîa na kîveo kînene.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.