Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Afil 1:20 - ÎVUKU RÎA ÛVORO MWARO

20 Nînîîriragîria mûno, na ngerîgîrîra atî ndigaaconoka nî ûndû wana ûrîkû, nwatî ngeethagîrwa nîrî na ûmîrîru rîu na vingo cionthe, nîguo mwîrî wakwa wonthe ûtûmage Kristû akumue ethîrwa nîrî mwoyo kana nîrî mûkuû.

အခန်းကိုကြည့်ပါ။ ကော်ပီ




Afil 1:20
41 ပူးပေါင်းရင်းမြစ်များ  

Nyitagîrîra wata ûrîa wîranîrîte, nîguo ndûûre mwoyo, ndûkareke kîîrîgîrîro gîakwa kînjonorithie.


Tûma ngoro yakwa yathîkagîre mawatho maku, nîguo ndigaconorithue.


We Ngai wakwa, nîwe nîîvokete. Ndûgatûme njonoka, ndûgatûme nthû ciakwa inthekerere!


Mbetererete Ngai wenga tu ngirîrîrîtie; kîîrîgîrîro gîakwa kîrî kûrî ke.


Mwîrîgîrîro wa mûndû mûthingu ûrîkagîrîria na gîkeno, nwatî mwîrîgîrîro wa mûndû mwaganu ndûkinyaga.


Nama, vuvarî kûrî na kîîrîgîrîro, na kîîrîgîrîro gîaku gîtigaatuîka Kîam mana.


Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.


Nîûndû Mwathani Ngai-Mûnene nîke ûndethagia; kwoguo ndirî mûmaku. Ndûmîte ûthiû wakwa ûme ta îthiga, na nîmbîcî atî ndigaaconorithua;


Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.


(Jesû akiuga ûguo eendaga kwonania ûrîa Petero agaakua na agoocithie Ngai.) Nake Jesû nîwacokire akîmwîra atîrî, “Nûmîrîra!”


Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.


Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”


Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.


Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.


Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.


Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.


(Nîramwarîrîria ngîtûmagîra ngerekano irîa mûngîtaûkîrwa nîcio nîûndû mûtirî na vinya wa gûtaûkîrwa nî maûndû monthe.) Vîndî îmwe nîmwevecanîte magatuîka ngombo cia maûndû macûku na mwecûrîtwe nî waganu nîûndû nîmwekaga maûndû macûku. Na njîra wata îo nîmwagîrîrwe nî kwîvecana viû mûtuîke ngombo cia maûndû ma ûthingu.


Indo cionthe irîa ciaûmbirwe cietererete mûno rîrîa Ngai akoonania ciana ciake.


Wa ta ûrîa kwandîkîtwe Mandîkorî Matheru atîrî: “Taroriani, kûu Zayuni nî ngwiga îthiga rîrîa rîkaavînga andû, îthiga rîrîa rîgaatûma andû magûe. Nwatî mûndû wa wonthe ûmwîtîkîtie ndagaaconorithua.”


Ariû na aarî a îthe wetû nîngucaga wa mûthenya wa mûthenya. Nîrauga ûguo nîûndû wenyu nîûndû tue tûtûûraga tûrî ûrûmwe na Mwathani wetû Jesû Kristû.


Mwagûrirwe na thogora wa goro. Kwoguo tûmîrani mîîrî yenyu na njîra îgûtûma Ngai agoocithue.


na kwoguo wendi wake wîthagîrwa ûrî mûgaûkanu. Mwanamwarî wa wonthe kana mwîrîtu nîarûmbûyanagia na wîra wa Mwathani, nîûndû ke endaga kwîyamûrîra Mwathani mwîrî na roho. Nwatî mûndûmûka wa wonthe ûvikîtue arûmbûyanagia na maûndû ma gûkû nthî nîûndû ethagîrwa akîenda gûkenia mûthuuriwe.


Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.


Na nîûndû tue tûrî na Kîîrîgîrîro gîkî, tûrî na ûmîrîru mwîngî.


Vîndî cionthe tûkuuaga gîkuû Kîam Jesû mîîrîrî yetû nîguo ûtûûro wake wa naguo wonekane mîîrîrî yetû.


Kristû aakwire nîûndû wa andû onthe nîguo andû arîa matûûraga mwoyo matigatûûre mwoyo nîûndû wao o ene, nwatî nîûndû wake ûrîa wakwire na akîriûkua nîûndû wao.


Nîûndû rîrîa nonanirie mwîtîîo kûrî ke nîûndû wenyu, mue mûtianjonorithia. Kwoguo mwîtîîo wetû kûrî Tito nîwonanîtie atî nî wa ma wata ûrîa tûtwîre tûmwîraga ûma.


Nie nînîmwîvokete mûno; nînîtîîaga mûno nîûndû wenyu. Nîrî na ûmîrîru mathînarî metû monthe na nîmbîcûrîtwe nî gîkeno kîngî.


Nîûndû wa kwîthîrwa nîrî njeera, nîgûtûmîte etîkia eengî mevoke Mwathani mûno. Kwoguo nîmavunjagia ndûmîrîri ya Mwathani matarî na guoya.


Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.


Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.


Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.


Nwatî ethîrwa mûrathînua nîûndû nîmûrûmagîrîra Kristû, mûtikegucage mûgîconoka nîûndû wa ûguo. Cokagiani ngatho kûrî Ngai nîûndû mûrî akristiano.


Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ