Afil 1:18 - ÎVUKU RÎA ÛVORO MWARO

¹⁸ Ûndû ûcio mareka ndûrî na vata. Ûndû ûrîa ûrî na vata na ûngenagia nî atî Kristû avunjue na njîra îrîa îngîvoteka, wana ethîrwa îrî njîra îrîa mbaro kana îrîa njûku.

Afil 1:18 ပူးပေါင်းရင်းမြစ်များ

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Maariko 12:40

Aya nwao mathithûkagîra aka a ndigwa mîciîrî yao, makamacuna indo ciao cionthe, na makeyonania ûrîa marî aro na njîra ya kûracavia mavoya. Nao nîmagaatuîrwa îvera rînene.”

Luka 9:45

Nwatî arutwa nao matiataûkîrwa nî ûrîa Jesû eendaga kuga. Ûndû ûcio warî mûthithe kuuma kûrî o nîguo matikaûmenye na nîmeetigagîra kûmûria ûrîa eendaga kuga.

Luka 9:50

Nwatî Jesû nîwacokerie Johana na arutwa acio engî atîrî, “Mûtiagîrîrwe nî kûmûkaania, nîûndû mûndû wa wonthe ûtarî nthû yenyu nî wa thiritû yenyu.”

Aroma 3:9

Rîu nîtûtua atîa? Nîkwa tue Ayahudi tûrî aro kûrî andû a ndûrîrî? Naarî! Nie nîndîkîtie kwonania atî andû onthe, Ayahudi na Andû a Ndûrîrî methagîrwa marî rungu rwa watho wa mevia.

Aroma 6:15

Rîu nîtuga atîa? Nî twîvagie atî nîûndû tûtirî rungu rwa watho nwatî tûrî rungu rwa wega wa Ngai? Naarî!

1Akor 10:19

Nie nîrenda kuga atîa vi? Anga irio irîa irutîrîtwe mîvuanano nî cia vata? Anga mîvuanano nî ya vata?

1Akor 14:15

Nie mbagîrîrwe nî gwîka atîa vi? Mbagîrîrwe nî kûvoya na roho wakwa na meciria makwa. Na rîrîa ngwina mbagîrîrwe nî kwina na roho wakwa na meciria makwa.

1Akor 15:11

Kwoguo wana ethîrwa nînie namûvunjîrie kana nî atûmwa arîa engî maamûvunjîrie, tuonthe tûvunjagia ûndû ûmwe na ûguo nîguo mwîtîkîtie.

Afil 1:19

Nîûndû nîmbîcî atî nie nîndekererua nîûndû wa mavoya menyu wa vamwe na ûtethio ûrîa uumaga kûrî Roho wa Jesû Kristû.