Afil 1:13 - ÎVUKU RÎA ÛVORO MWARO

¹³ Na nîûndû wa gîtûmi gîkî arangîri onthe a nyomba ya mûthamaki na andû arîa engî onthe nîmamenyete atî nie njovetwe njeera nîûndû nîrî ndungata ya Kristû.

Afil 1:13 ပူးပေါင်းရင်းမြစ်များ

Ciîko 26:29

Nake Paûlo nîwamwîrire atîrî, “Wana ethîrwa nî kavinda gakuvî kana karaca, îvoya rîakwa kûrî Ngai nî atî we na arîa engî onthe manthikîrîrîtie ûmûnthî matuîke tanie, wa tiga tu matikovwe na mînyororo ta îno!”

Ciîko 26:31

Rîrîa maarîkirie kuuma kûu nyombarî ya gûcemanîrua nîmeeranire atîrî, “Mûndû ûyû tî mwîku ûndû wana ûmwe ûngîtûma ovwe kana atuîrwe kûûragwa.”

Ciîko 28:17

Vuva wa mîthenya îthatû Paûlo nîwetire atongoria a Ayahudi vamwe. Na rîrîa maacemanirie nîwamerire atîrî, “Ariû na aarî a îthe wetû, ndianeka ûndû wana ûmwe ûreganîte na andû etû wana kana mîtugo îrîa twakinyîrue nî methe metû ma tene. Nwatî nînaanyitirwe na ngîvingîrwa njeera nîrî Jerusalemu na ngînenganîrwa kûrî Aaroma.

Ciîko 28:20

Kîu nîkîo kîratûmire mende kûmwona na twaranîrie namue. Ûvoro wa ma nî atî, njovetwe na mînyororo îno nîûndû wa mwîrîgîrîro wa Isiraeli.”

Ciîko 28:30

Paûlo nîwekarire îvinda rîa mîaka îîrî nyombarî îrîa ke mwene aakomborete, na andû onthe arîa maamûceragîra nîwamanyitaga ûgeni.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Aefeso 6:20

Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.

Afil 1:30

Na rîu nwa mûnyitanîre nanie mbaararî. Mbaara îrîa mwonire ngîrûa mavinda marîa maavîtûkire nwa ta yo mûregua ngîrûa nginya rîu.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

Afil 4:22

Andû onthe a Ngai arîa marî gûkû na mûno makîria arîa marî mûciî kwa mûthamaki wa Roma nîmamûkethia.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.