Afil 1:10 - ÎVUKU RÎA ÛVORO MWARO

¹⁰ nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 1:10 ပူးပေါင်းရင်းမြစ်များ

Kîam 20:5

Kinthî Iburahimu tîke wambîrire atî Sara nî mwarwang'ina, na Sara akîmbîra wa guo? Nie nekire ûndû ûyû ndarî na thamiri ikûnjuka, na kwoguo ndirî na mavîtia.”

Ayubu 12:11

Anga gûtû gûtithimaga ndeto, ta ûrîa rûrîmî rûcamaga irio?

Ayubu 34:3

nîûndû gûtû nîkuo kûthimaga ndeto, wata ûrîa rûrîmî rûcamaga irio.

Mika 3:2

Nwatî mue mûmenete maûndû marîa maro na mûkenda maûndû marîa macûku. Mûrutaga andû akwa rûûo, na mûgatinangia nyama kuuma mavîndîrî mao.

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Mathaayo 26:33

Nake Petero nîwerire Jesû atîrî, “Wana arîa engî onthe mangîgagûtiganîria, nie ndigaagûtiganîria!”

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Johana 3:20

Mûndû wa wonthe wîkaga ciîko cia waganu nîathûrîte ûtheri na ndarî vingo angîumîra ûtherirî, nîûndû ndangîenda ciîko ciake cia waganu cionekane.

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

Aroma 2:18

We nîwîcî ûrîa Ngai endaga wîke na nîûthomete kuumana na Watho kûthuura ûrîa wagîrîrwe nî gwîka.

Aroma 7:16

Na rîu ethîrwa mbîkaga maûndû marîa menete, nîngwîtîkîra atî watho nî mwaro.

Aroma 7:22

Ngororî yakwa nîngenete nî ûndû wa watho wa Ngai.

Aroma 8:7

Kwoguo andû arîa mathagwa nî maûndû ma mwîrî methagîrwa marî ûthû na Ngai, nîûndû matiathîkagîra Watho wake, na matingîvota kûwathîkîra.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 8:13

Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 6:3

Tue nîtûgeragia mûno tûtigatuîke mûvînga kûrî mûndû nîguo gûtikagîe mûndû ûngîona wîra wetû ûrî mûcûku.

2Akor 8:8

Nie ndiramwîra ûguo takwa nîramwatha. Nwatî na njîra ya ûrîa arîa engî mendete gûtethia, nîrenda kûmenya ûrîa wendo wenyu wana guo ûrî wa ma.

Agal 5:11

Ariû na aarî a îthe wetû, ethîrwa nwa mvunjagia atî nî waro kûrua, nîkî kîratûma nyarirwe? Ethîrwa ûvoro ûcio nî wa ma, maûndû marîa mvunjagia megiî mûtharava wa Kristû matingîrete thîna.

Aefeso 4:15

Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Aefeso 5:10

Geragiani kûmenya maûndû marîa makenagia Mwathani.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Aefeso 6:24

Wega wa Ngai ûrekara na arîa onthe mendete Mwathani wetû Jesû Kristû marî na wendani ûrîa ûtathiraga.

Afil 1:16

Andû arîa methagîrwa marî na ngoro ntheru mavunjagia marî na wendo nîûndû nîmecî atî njovetwe njeera nîûndû nîngitagîra ûvoro mwaro.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 5:21

Tuîragiani maûndû monthe; menyagîrîrani maûndû marîa maro,

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.