Aefeso 6:9 - ÎVUKU RÎA ÛVORO MWARO

⁹ Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Aefeso 6:9 ပူးပေါင်းရင်းမြစ်များ

Nehemia 5:5

Tûrî a nthakame îmwe na Ayahudi acio etû. Ciana cietû nî ûndû ûmwe na ciana ciao. Nwatî rîu ciana cietû tûraitua ngombo. Erîtu etû amwe nîmendetue ta ngombo. Nwatî tûtingîvota gwîtethia, nîûndû tûrî acune mîgûnda yetû na mîtî yetû ya mîthavibu nî andû engî.”

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Thaburi 140:12

Nîmbîcî atî Ngai-Mûnene nîaciragîrîra arîa maranyamarua, na nîonanagia ivooto kûrî ngîa.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 3:6

Mûndû wa wonthe ûtakawînamîrîra aûvoe, nîakaanyitwa wa rîmwe akînaikua mwakirî mûnene mûno.”

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 22:10

Nacio ndungata icio nîciathiîre nakûu njîrarî na ikîûngania andû arîa onthe ciethagîrîria; andû ega na acûku nîguo maûke îrugarî. Nayo nyomba ya îruga nîyecûrire andû.

Mathaayo 22:8

Nîwacokire akîra ngombo ciake atîrî, ‘Îruga rîakwa rîa ûviki nîrîvarîrie, nwatî andû arîa nie nîretîte tî agîrîru.

Mathaayo 24:48

Nwatî ethîrwa ndungata îo nî mbaganu, yo nîîkeîra na ngoro atî, Mwathi wayo nîagwîkara kavinda karaca ma agîgaacoka.

Mathaayo 24:51

Mwathi wa ndungata îo nî akaamîverithia mûno na amîtuîre ûndû ûmwe na mvinga. Kûu nîkuo andû makaarîra na marîe magego nîûndû wa ûrûrû.

Mathaayo 7:12

“Kwoguo îkagani andû arîa engî ûrîa mûngîenda mamwîke, nîûndû ûguo nîguo kûthomithanîtue nî Watho wa Musa na arathi.

Luka 6:31

Îkaga andû arîa engî wata ûrîa ûngîenda o magwîke.”

Johana 13:13

Mûmbîtaga Mwarimû na mûkambîta Mwathani. Rîrîa mûgwîka ûguo mwîthagîrwa mûkîaria ûvoro wa ma nîûndû nie nînie ke.

Ciîko 10:34

Petero nîwatumûrire kanyua na akiuga atîrî, “Rîu nie nînamenya na ma atî Ngai ndarî kîmenyano.

Aroma 2:11

Nîûndû Ngai atucagîra andû onthe ûndû ûmwe.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

1Akor 7:22

Arîa maarî ngombo vîndî îrîa Mwathani aametire, rîu nîarekererie nîûndû wa Mwathani. Nao arîa maarî arekererie vîndî îrîa meetirwe, rîu o nî ngombo cia Kristû.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Akol 3:25

Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.

Akol 4:1

Mue athani, îkagani ngombo cienyu maûndû marîa marî na kîvooto na waragania. Menyagani atî wa namue mûrî na Mwathani îgûrû.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 2:8

Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,