Aefeso 6:5 - ÎVUKU RÎA ÛVORO MWARO

⁵ Mue ngombo, athîkagîrani athani enyu mûrî na guoya na mûkinainaga. Îkagani ûguo mûrî na ngoro îmwe takwa mûrathîkîra Kristû.

Aefeso 6:5 ပူးပေါင်းရင်းမြစ်များ

Kîam 16:9

Nake mûraika wa Ngai-Mûnene nîwerire Hagari atîrî, “Coka kûrî ke na ûmwathîkagîre.”

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

Thaburi 123:2

Taroria, wata ûrîa ndungata ciîvokete mwathi wacio, wata ûrîa ndungata ya mûndûmûka îîvokaga mwathi wayo wa mûndûmûka, nwaguo wanatue twîvokaga Ngai-Mûnene, Ngai wetû, nginya rîrîa agaatwîguîra ntha.

Thaburi 86:11

Nthomithia njîra ciaku, we Ngai-Mûnene, na nîngûkwathîkîra nîrî mwîvokeku; nthomithia nîguo ngûtungatage na ngoro yonthe.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Mathaayo 6:22

“Metho nî ta taa ya mwîrî. Kwoguo ethîrwa metho maku nî maro, mwîrî waku wonthe ûkethagîrwa wîcûrîte ûtheri;

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Mathaayo 8:9

Nie nîrî mûndû wî rungu rwa athani anene kûngîra, na nîrî na andû marî rungu rwa wathani wakwa. Nie nîmbîraga mûthigari ûmwe, ‘thiî’ nake nîathiîcaga; na nîmbîraga mûthigari wîngî, ‘ûka’ nake nîaûkaga. Nie nîmbîraga ngombo yakwa, ‘îka ûû’ nayo nîîkaga guo.”

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Aroma 9:3

nîûndû wa andû a mûvîrîga wetû arîa tûciaranîrîtue nao. Nwa mende nyitwe nî kîrumi Kîam Ngai na ndigithanue na Kristû îthenya rîao.

1Akor 2:3

Kwoguo rîrîa naûkire kûrî mue, ndiarî na vinya na nînatetemaga nîûndû wa guoya.

1Akor 7:22

Arîa maarî ngombo vîndî îrîa Mwathani aametire, rîu nîarekererie nîûndû wa Mwathani. Nao arîa maarî arekererie vîndî îrîa meetirwe, rîu o nî ngombo cia Kristû.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 7:15

Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

Aefeso 5:22

Mue aka, athîkagîrani athuuri enyu wata ûrîa mûngîathîkîra Mwathani.

Aefeso 6:24

Wega wa Ngai ûrekara na arîa onthe mendete Mwathani wetû Jesû Kristû marî na wendani ûrîa ûtathiraga.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

File 1:16

Na rîu ke tî ngombo tu, nwatî nîakîrîte ngombo; nî mûrû wa îthe wetû. Nanie nîmwendete mûno, nwatî we nîûkûmwenda mûno makîria nîûndû ke nî ngombo yaku na nî mûrû wa îthe wetû wîtîkîtie Mwathani.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

1Pet 3:2

nîûndû makaagucagîrîrua nî mîtugo yenyu mîtheru na mîtîîku.