Aefeso 6:4 - ÎVUKU RÎA ÛVORO MWARO

⁴ Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Aefeso 6:4 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 29:19

Îkîra ngororî ya mûvîcîwa Solomoni wendi wa gûtûûra avingagia maathani maku, kîrîra na watho waku nîguo avote gûtuma nyomba îrîa mvarîrîtie.”

Nthi 19:18

Rûnga ciana ciaku itarî ngûrû, nwatî ndûkamaverithie ûndû ûngîmacûkangia.

Nthi 22:15

Ciana irî mîtugo ya ûrimû, nwatî kûmariva na kîthanju nîkûthiragia mîtugo ya ûrimû kûrî ciana.

Nthi 22:6

Thomithia mwana njîra îrîa agîrîrwe nî kûthiîra, na wana akûra ndakaariganîrwa nîyo.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

Nthi 29:17

Thomithia mwana waku mîtugo mîaro na nîagaatûma ûgîa na thayû; ke nîagaatûma ûkene.

Isaia 38:19

Arîa marî mwoyo nîo magûcokagîria ngatho, ta ûrîa nie nîragûcokeria ngatho rîu, îthe wa ciana nîke ûimenyithagia ûvoro wa wîvokeku waku.

Aefeso 6:3

“nîguo maûndû monthe maku mathiî waro na ûtûûre îvinda îraca gûkû nthî.”

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 6:7

Menyagîrîrani mûmathomithanagie kûrî ciana cienyu vîndî cionthe, rîrîa mûrî mîciî, rîrîa mûrî kûraca na mîciî, rîrîa mûkûthiî toro na rîrîa mûkûramûka.

Akol 3:21

Mue aciari, tigagani kûrakaria ciana cienyu nîûndû mweka ûguo mûkaamaûragaga ngoro.

2Tim 1:5

Nîndirikanaga wîtîkio waku ûrîa ûtarî ûvinga. Wîtîkio wata ûyû nîguo warî na ûcûguo Loisi na nyûkwe Eunîci. Nîrî nama atî wîna wîtîkio wata ûcio wao.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

Atir 13:12

Manoa nîwaûririe mûndû ûcio atîrî, “Rîrîa ciugo ciaku ikaavinga-î, mûtûûrîre wa kaana kau ûkethîrwa ûrî wa mûthemba ûrîkû, na gakaaruta wîra ûrîkû?”