Aefeso 6:15 - ÎVUKU RÎA ÛVORO MWARO

¹⁵ na wendi wenyu wa kûvunjia ûvoro mwaro wa thayû ta arî guo iratû irîa mwîkagîra.

Aefeso 6:15 ပူးပေါင်းရင်းမြစ်များ

Rwîmbo rwa Nyîmbo 7:1

Kaî ûrî mûthaka mwîrîtu ûyû-î! Magûrû maku mekîrîtwe iratû nî mathaka. Ciero ciaku cia kîthiûrûrû nîta mathaga ma goro, wîra wa mûvundi mwaro.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Habakuku 3:19

Mwathani Ngai-Mûnene nîke vinya wakwa, nîatûmaga magûrû makwa matuîke ta ma nthwariga, atûmaga nthiîrîre irîma îgûrû.

Maariko 6:9

nwatî mekîre iratû na matigekuuîre nguo ciîngî tiga irîa meekîrîte.

Luka 15:22

Nwatî îthe nîwetire ndungata ciake na akîmeera atîrî, ‘Thiîni narua mûrete nguo îrîa mbaro viû na mûmwîkîre. Na mûcoke mûmwîkîre mbete Kîamra na mûmwîkîre iratû.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Gûco 33:25

Ivingo cia matûûra maku ikethagîrwa irî cia cuuma na gîcango, ûkethagîrwa wî mûgitîre ûtûûrorî waku wonthe.”