Aefeso 5:6 - ÎVUKU RÎA ÛVORO MWARO

⁶ Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Aefeso 5:6 ပူးပေါင်းရင်းမြစ်များ

2Atha 18:20

Ûreciria mîgambo mîtheri nîcio wara na vinya wa mbaara? Nî ûrîkû wîvokete agûtethie nîguo ûregane nanie?

Thaburi 78:31

Ngai nîwarakarirue nî andû acio, na akîûraga arîa maarî vinya gatagatîrî kao, akîgwîthia anake arîa maarî aro mûno a Isiraeli.

Jeremia 27:9

Kwoguo mûtikathikîrîrie arathi enyu, aringi a mbûgû enyu, aroti enyu kana arogi enyu. Andû aya onthe mamwîraga mûtigatungatîre mûthamaki wa Babuloni.

Jeremia 29:31

“Tûmîra andû onthe arîa marî îthamîriorî ndûmîrîri îno îgiî Shemaia wa Nehelamu: Nie Ngai-Mûnene nîrauga atî, Shemaia nîamûrathîrîte maûndû marîa nie ndamûtûmîte, na agîtûma mwîtîkia maûndû matarî ma ma.

Jeremia 37:9

Nie Ngai-Mûnene nîrauga atî mûtikeveenie mûkîîraga atî athigari a Akalidei nîmakûthiî; nama tîmathiî.

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 24:4

Nake Jesû nîwamacokerie atîrî, “Îîmenyagîrîreni mûtikavîtithue nî mûndû wana ûrîkû.

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Maariko 13:5

Nake Jesû nîwameerire atîrî, “Îîmenyagîrîreni mûtikavîtithue nî mûndû wana ûrîkû.

Aroma 1:18

Marakara ma Ngai nîmonekete kuuma îgûrû, nîûndû wa andû arîa matarî na ûngai na arîa mekaga maûndû macûku. Njîra ciao irîa njûku nîigiragia ûma ûmenyekane.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Akol 2:4

Nîramwîra ûguo nîguo mûtikanetîkîrie mûndû wana ûrîkû amûveenererie na mîario ya maveeni, wana ethîrwa îkîoneka îrî mîaro atîa.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

Akol 3:6

Na nîûndû wa maûndû mama, marakara ma Ngai nîmagaakinyîra andû arîa matamwathîkagîra.

2Ath 2:3

Mûtikaanaveenue nî mûndû na ûndû wana ûrîkû. Nîûndû Mûthenya wa Mwathani ndûgaakinya mbere ya îvinda rîa andû kûregana na Ngai rîkinye na mûndû mwaganu eyonanie, ûrîa Ngai agaacûkangia îcuarî.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.