Aefeso 5:4 - ÎVUKU RÎA ÛVORO MWARO

⁴ Mûtiagîrîrwe mwaragie mîario îrî na nthoni, ya îtherû rîcûku na ya ûrimû. Vandû va ûguo mwagîrîrwe nî gûcokagia ngatho kûrî Ngai.

Aefeso 5:4 ပူးပေါင်းရင်းမြစ်များ

Thaburi 33:1

Mue andû arîa athingu canjamûkani nîûndû wa Ngai-Mûnene, mûkumieni, mue muonthe arîa mûmwathîkagîra.

Thaburi 92:1

Nî waro gûgûcokeria ngatho we Ngai-Mûnene, na kwina nyîmbo cia gûkumia Ngai ûrîa ûrî Îgûrû Mûno.

Nthi 12:23

Andû arîa aûgî matiendaga kwonania atî nî aûgî, nwatî irimû nîcianagîrîra ûrimû wa cio.

Nthi 15:2

Andû aûgî maragia maûndû marî na ûmenyo, nwatî irimû ciaragia maûndû matarî vata.

Nthi 26:19

nîta mûndû wa ngoma akîthaka na mwaki kana mîguî îrî na ûvai.

Mûvunjia 10:13

Kîrimû Kîammbagîrîria kwaria ûrimû, na gîkarîkîrîria na mîario ya ûgûrûki.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

2Akor 1:11

Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

2Akor 9:15

Nîtûcokie ngatho kûrî Ngai nîûndû wa kîveo gîake gîtarî kîthimo.

Aefeso 1:16

nditigithagîrîria gûcokia ngatho kûrî Ngai nîûndû wenyu. Rîrîa rîonthe nîravoya nîmûririkanaga.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Akol 3:8

Nwatî rîu nwanginya mûtigane viû na maûndû mama: marakara, mang'ûrîka, kwîgucanîra naaî, kûrumana na kwaranîria naaî.

1Ath 3:9

Rîu nîtûgûcokeria Ngai wetû ngatho nîûndû wenyu. Tûramûcokeria ngatho nîûndû wa gîkeno kîrîa tûrî nakîo tûrî mbere yake nîûndû wenyu.

1Ath 5:18

na mûcokagie ngatho maûndûrî monthe. Ûguo nîguo Ngai endaga mûtûûre mue arîa mwîtîkîtie Jesû Kristû.

File 1:8

Kwoguo nîrî ûûrûmwe na Kristû, nîngîakwatha nyûmîrîrîtie wîke ûndû ûrîa wagîrîrîte.

Ahib 13:15

Kwoguo, na njîra ya Jesû nîtwagîrîrwe tûkumagie Ngai vîndî cionthe. Rîîrî nîrîo îgongoona rîetû rîrîa tûtegagîra Ngai rîrîa tûkûmumbûra na tûnyua twetû atî ke nî Mwathani.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

2Pet 2:7

Nwatî Ngai nîwavonokirie Loti mûndû warî mûthingu. Loti aarî mûndû mûthingu. Ke nîwegwithagua kîeva nî mîtugo ya waganu ya andû arîa maareganaga na watho.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.