Aefeso 5:3 - ÎVUKU RÎA ÛVORO MWARO

³ Na nîûndû mûrî andû a Ngai, maûndû mamwe matiagîrîrwe wana nî kûgwetwa gatagatîrî kenyu, namo nî ûmaraa, ûûra nthoni na ûkoroku.

Aefeso 5:3 ပူးပေါင်းရင်းမြစ်များ

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Thaburi 119:36

Mva wendo wa kûrûmîrîra kîrîra gîaku, ndige kûrûmîrîra ûtonga.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Ntha 20:17

“Ndûkerirîrie nyomba ya mûndû wîngî, wana kana wîrirîrie mûka. Ndûkerirîrie ndungata ya mûndû wîngî, ya mûndûmûrûme kana ya mûndûmûka, kana ndegwa yake kana mvunda yake kana kîndû gîake kîonthe.”

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Nthi 28:16

Mûthamaki ûtarî na ûûgî nîavinyagîrîria andû, nwatî ûrîa ûthûrîte indo cia ungumania athanaga kavinda karaca.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Alawi 15:18

Mûndûmûrûme angîmenyana kîîmwîrî na mûndûmûka na arute vinya wake wa ûciari, andû acio oîrî nwanginya makethambia, na magekara matarî atheru nginya kîvwaî.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Ndari 25:1

Rîrîa andû a Isiraeli matûûraga vûrûrirî wa Shitimu, arûme a Isiraeli nîmaamenyanire kîîmwîrî na aka a Moabu arîa maarî kuo.

Mathaayo 15:19

Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

Aroma 16:2

Mwamûkîreni nîûndû ke nîwîtîkîtie Mwathani, wata ûrîa andû a Ngai magîrîrwe nî kwamûkîrwa. Mûtethieni na kîrîa kîonthe angîvatara, nîûndû ke aanandethia na aanatethia andû eengî.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

1Akor 10:8

Nwa nginya tûtige kûvûûra ûmaraa wata ûrîa andû amwe gatagatîrî kao meekaga. Na nîûndû wa maûndû mau andû ngiri mîrongo îîrî na ithatû nîmaakwire îvinda rîa mûthenya ûmwe.

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

1Akor 6:13

Mûndû wîngî avota kuga atîrî, “Irio irî vo nîûndû wa îvu, na îvu rîrî vo nîûndû wa irio.” Ûguo nîguo kûrî, nwatî wa cioîrî Ngai nîakaaithiria. Mwîrî ndûrî vo nîûndû wa kûvûra ûmaraa, nwatî ûrî vo nîûndû wa gûtungatîra Mwathani. Na Mwathani nîke ûtûmaga mwîrî wîthîrwe ûrî vo.

1Akor 6:18

Ûrîrani wîvia wa kûmenyana kîîmwîrî. Wîvia wîngî wonthe ûrîa wîkagwa nî andû wîthagîrwa ûrî nja ya mwîrî, nwatî mûndû ûrîa wîvagia na njîra ya kûmenyana kîîmwîrî nîevagîria mwîrî wake ke mwene.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Aefeso 5:12

(Nî ûndû ûrî na nthoni mûno wana nginya kwaria ûvoro wîgiî maûndû marîa mekagîra nthithorî.)

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

1Ath 4:3

Ngai endaga mwîthagîrwe mûrî atheru na mûtagwîka ûmaramari.

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

1Tim 2:10

Nwatî nîmekage ciîko mbaro irîa ciagîrîrwe nî gwîkwa nî aka arîa maugaga nîmagoocaga Ngai.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

Kûguû 2:21

Nie nînîmûvete kavinda ga kwîrira, nwatî ke ndendaga gûtiga ciîko ciake cia ûmaraa.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

Kûguû 9:21

Andû acio matierira ûûragani wao, ûragûri wao, maûndû mao ma ûtharia kana wîi wao.

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.