Aefeso 5:29 - ÎVUKU RÎA ÛVORO MWARO

²⁹ (Gûtirî mûndû ûmenete mwîrî wake. Vandû va ûguo, mûndû wa wonthe nîavecaga mwîrî wake irio na akaûmenyerera. Na ûguo nwa ta guo Kristû ekaga kanitha;

Aefeso 5:29 ပူးပေါင်းရင်းမြစ်များ

Kîam 2:23

Nake mûndû mûrûme ûcio nîwaugire atîrî, “Rîu rîîrî nî îvîndî riumîte mavîndîrî makwa na nyama ciumîte nyamarî ciakwa. Agetagwa mûndûmûka nîûndû arutîtwe kûrî mûndûmûrûme.”

Nthi 11:17

Mûndû ûrîa ûrî ntha nîagunîkaga ke mwene, nwatî mûndû ûrîa mwaganu ecûkangagia ke mwene.

Mûvunjia 4:5

Kîrimû Kîamrega kûruta wîra mûthiiarî gîkucaga nî yûra.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Ezek 34:27

Mîtî îrîa îrî mîgûndarî nîgaaciara matunda, mîgûnda nîkaagîa na maketha meengî na nîigaatûûra na thayû vûrûrirî wacio. Rîrîa ngaatucanga mînyororo ya andû arîa maaituire ngombo, na nîivonokie kuuma kûrî o, nîikaamenya atî nie nînie Ngai-Mûnene.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Mathaayo 6:26

Ta roriani iconi: itivandaga mbeû iketha, na itigaga irio makûmbîrî, nwatî Îthe wenyu ûrîa wî îgûrû, nîke ûimenyagîrîra. Na kinthî mue mûtirî vata mûno gûkîra iconi?

Aroma 1:31

Nî aganu, tî evokeku, matiîciragia maûndû ma andû arîa engî na matirî ntha.

Aefeso 5:28

Mûthuuri agîrîrwe nî kwendaga mûka wake wa ta ûrîa endete mwîrî wake. Mûndû ûrîa wendete mûka nîke wîyendete.

Aefeso 5:30

nîûndû tûrî ciîga cia mwîrî wake.)

Aefeso 5:31

Wa ta ûrîa mandîko matheru maugîte atîrî, “Nîûndû wa gîtûmi gîkî mûndû mûrûme agatigaga îthe na ng'ina na akagwatana na mûka, na oîrî magatuîka kîndû kîmwe.”