Aefeso 5:28 - ÎVUKU RÎA ÛVORO MWARO

²⁸ Mûthuuri agîrîrwe nî kwendaga mûka wake wa ta ûrîa endete mwîrî wake. Mûndû ûrîa wendete mûka nîke wîyendete.

Aefeso 5:28 ပူးပေါင်းရင်းမြစ်များ

Mathaayo 19:5

na akiuga atî, ‘Nîûndû wa gîtûmi gîkî mûndûmûrûme agaatigaga îthe na ng'ina, makanyitithanua na mûka, na oîrî makethagîrwa marî mwîrî ûmwe.’

Aefeso 5:25

Namue athuuri, endagani aka enyu wata ûrîa Kristû eendire kanitha na akîîruta nîûndû waguo.

Aefeso 5:29

(Gûtirî mûndû ûmenete mwîrî wake. Vandû va ûguo, mûndû wa wonthe nîavecaga mwîrî wake irio na akaûmenyerera. Na ûguo nwa ta guo Kristû ekaga kanitha;

Aefeso 5:31

Wa ta ûrîa mandîko matheru maugîte atîrî, “Nîûndû wa gîtûmi gîkî mûndû mûrûme agatigaga îthe na ng'ina na akagwatana na mûka, na oîrî magatuîka kîndû kîmwe.”

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

1Pet 3:7

Na njîra wata îo, wa namue athuuri îkaranagiani na aka enyu mûkîroragia wagîrîru wao nîûndû matirî vinya ta arûme. Monagieni gîtîîo nîûndû wa nao nîmakaagaîrwa kîveo Kîam mwoyo nî Ngai wa vamwe namue. Îkagani ûguo nîguo vatikagîe na kîndû kîngîvîngîca mavoya menyu.