Aefeso 5:23 - ÎVUKU RÎA ÛVORO MWARO

²³ Nîûndû mûthuuri nîke wathaga mûndûmûka wata ûrîa Kristû arî ke wathaga kanitha. Na Kristû ke mwene nîke Mûvonokia wa Kanitha, ûrîa arî guo mwîrî wake.

Aefeso 5:23 ပူးပေါင်းရင်းမြစ်များ

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

1Akor 6:13

Mûndû wîngî avota kuga atîrî, “Irio irî vo nîûndû wa îvu, na îvu rîrî vo nîûndû wa irio.” Ûguo nîguo kûrî, nwatî wa cioîrî Ngai nîakaaithiria. Mwîrî ndûrî vo nîûndû wa kûvûra ûmaraa, nwatî ûrî vo nîûndû wa gûtungatîra Mwathani. Na Mwathani nîke ûtûmaga mwîrî wîthîrwe ûrî vo.

Aefeso 4:15

Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Aefeso 5:24

Kwoguo mûndûmûka nîathîkagîre mûthuuri wake maûndûrî monthe wata ûrîa kanitha wathîkagîra Kristû.

Akol 1:18

Ke nîke kîongo gîa kanitha îrîa arî yo mwîrî wake. Nîke ûtûmaga mwîrî ûgîe na mwoyo. Nîke Mûriû wa mbere kûriûkua nîguo atuîke wa mbere maûndûrî monthe.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

Kûguû 19:7

Nîtûkeneni na tûcanjamûke; nîtûkumieni ûnene wake! Nîûndû kavinda ga Gatûrûme kûgîa na mûviki nîgakinyu. Nake mûviki wake nîmwîvarîriu nîûndû waguo.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.