Aefeso 5:13 - ÎVUKU RÎA ÛVORO MWARO

¹³ Rîrîa maûndû monthe maretwa ûtherirî, mwîkarîre wamo wa ma nîûguûragua cararûkû;

Aefeso 5:13 ပူးပေါင်းရင်းမြစ်များ

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Hosea 2:10

Ngamûruta nguo atigwe arî ndûûrû mbere ya arata ake, na gûtirî mûndû ûkangiria.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

Aefeso 5:12

(Nî ûndû ûrî na nthoni mûno wana nginya kwaria ûvoro wîgiî maûndû marîa mekagîra nthithorî.)

Ahib 1:13

Ngai ndeera mûraika wanarî ûmwe wake atîrî: “Îkara nthî ava mwena wa njara yakwa ya ûrîo, nginya rîrîa ngaatûma nthû ciaku ituîke gaturwa ka magûrû maku.”