Aefeso 4:7 - ÎVUKU RÎA ÛVORO MWARO

⁷ Mûndû wa wonthe wa cietû nîavetwe kîveo Kîam mwanya kûringana na ûrîa ûtaana wa Kristû wîgana.

Aefeso 4:7 ပူးပေါင်းရင်းမြစ်များ

Mathaayo 25:15

Nîwaigaîre wa ndungata kûringana na ûvoti wayo. Nîwagaîre ndungata îmwe mbeca ngiri ithano, îngî ngiri igîrî, na îo îngî nîyagaîrwe ngiri îmwe. Mûndû ûcio nîwacokire akîthiî rûgendo.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Aefeso 3:2

Nîrî na ma nîmwîguîte atî Ngai na njîra ya wega wake nîwamûvere wîra ûyû nîûrute nîûndû wenyu.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

1Pet 4:10

Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.