Aefeso 4:31 - ÎVUKU RÎA ÛVORO MWARO

³¹ Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

Aefeso 4:31 ပူးပေါင်းရင်းမြစ်များ

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

Kîam 37:21

Rîrîa Reubeni eegwire ûguo, nîwageririe kûmûvonokia kuuma njararî ciao na akîmeera atîrî, “Nîtûtige kûmûraga.

Kîam 37:4

Rîrîa aa mûrwang'ina moonire atî Josefu nîwendetwe nî îthe kûmakîra, nîmaamûmenire na magîtiga kûmwonia wendo.

Kîam 4:8

Kaini nîwerire mûrwang'ina Abili atîrî, “Tiga tûthiî mûgûndarî.” Na rîrîa maarî mûgûndarî, Kaini nîwarakarîre mûrwang'ina Abili na akîmûraga.

2Sam 13:22

Nake Abusalomu nîwamenire Amunoni mûno nîûndû wa kûnyita mwarwang'ina Tamarû na vinya na ndaacoka kwarîria Amunoni rîngî.

2Sam 19:27

Nîwatûmire monekane nîrî mûcûku methorî maku we mwathi wakwa, nwatî we nîûndû wîkariî ta mûraika wa Ngai, îka ûrîa ûkwona kwagîrîrîte.

2Sam 19:43

Nao andû a Isiraeli nîmaacokerie andû a Juda atîrî, “Tue tûrî na vata maita îkûmi kûrî mûthamaki kûmûkîra wana ethîrwa nî ûmwe wenyu. Nîndûî kîratûmire mûtûnyarare? Mûtikanariganîrwe, atî nîtue twarî a mbere kwarîrîria ûvoro ûcio wîgiî gûcokia mûthamaki!” Nayo mîario ya andû a Juda yarî na ûrûrû mwîngî mûno gûkîra ya andû a Isiraeli

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Thaburi 140:11

Tiga arîa macambanagia matigekindîrie vûrûrirî, andû arîa aganu marocokererwa nî maûndû macûku na mamathirie wa rîmwe.

Thaburi 15:3

na matacambagia andû arîa engî, na matavîtagîria arata ao, kana maguuta andû arîa mariganîtie nao.

Thaburi 37:8

Ndûkagîe na marakara kana ûnyitwe nî mang'ûrîka, Mûtigatangîke nîûndû nwagûtûme wîke ûndû mûcûku.

Thaburi 50:20

Nîwaragia maûndû macûku îgûrû rîgiî mûndû ûrîa wîngî, na ûgacambia mûrwanyûkwe.

Thaburi 64:3

Manooraga nîmî ciao ta mviû, na maikagia ciugo ndûrû ta mîguî.

Nthi 10:12

Rûthûro rûretaga ngucanio, nwatî rwendo rûrekagîra mavîtia monthe.

Nthi 10:18

Mûndû ûrîa ûthithaga ûthû ngororî nî mûthaani. Mûndû ûrîa ûgutanaga nî kîrimû.

Nthi 14:17

Mûndû ûrîa ûrakaraga na îvenya arûthaga maûndû na ûrimû, nwatî mûndû mûûgî nî akiragîrîria.

Nthi 18:8

Ciugo cia mûndû wa ngutû nîta irio irî na mûcamo mwaro, imerûkaga waro igatonya îvu ndaarî.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Nthi 25:23

Rûkûngi rwa mwena wa rûgûrû rûretaga mbura, nacio njukû iretaga marakara.

Nthi 26:20

Rîrîa ngû ciathira mwaki nîkwa ûvoraga; na kûrîa gûtarî ngutû, îteta nîrîthiraga.

Nthi 29:22

Mûndû wa mang'ûrîka nîatûmaga kûgîe na ngucanio, na mûndû wa marakara nîatûmaga kûgîe na mathîna meengî.

Nthi 29:9

Rîrîa mûndû mûûgî agûcira na mûndû mûritu, mûndû ûcio mûritu arumanaga na akatheka atagûtigithîrîria.

Nthi 6:19

mûruti ûira ûrîa waragia maveeni, na mûndû unjugaga andû a mûciî magîe na thîna.

Mûvunjia 7:9

Ndûkarakarage na îvenya, nîûndû marakara mekaraga kûrî irimû.

Jeremia 6:28

Onthe nî aremi na marî ngoro nyûmû, mathiîcaga makîgutanaga, maûmîte ta gîcango na cuuma, onthe matiîkaga maûndû ma ûûma.

Jeremia 9:4

Mûndû wa wonthe nî emenyerere kûrî arîa mariganîtie nake, na ndakaige mwîvoko kûrî mûrwang'ina, nîûndû andû onthe ao nî a maveeni, na mûndû wa wonthe athiîcaga agîcambagia arata ake.

Ciîko 21:30

Nao andû onthe arîa maarî kûu Jerusalemu nîmaaunjugîkire, magîtitimûka mathiîte na kûrî Paûlo, makîmûnyita, na makîmûruta kûu hekarûrî mamûkururîtie. Nayo mîrango ya hekarû nîyavingirwe wa rîmwe.

Aroma 3:14

Mîario yao îcûrîte irumi ndûrû.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Aefeso 4:22

Kwoguo tiganani viû na ûmûndû wenyu ûrîa mûkûrû ûrîa mûrethagîrwa mûrî naguo mbererî. Ûmûndû ûcio ûcûkîte nîûndû wa kûrûmîrîra merirîria ma kûveenania.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 4:26

Mûngîrakara, mûtigetîkîre marakara menyu matûma mwîvie na mûtigekare mûrakarîte mûthenya wonthe.

Akol 3:19

Mue athuuri, endagani aka enyu na mûtikamagûkagie.

Akol 3:8

Nwatî rîu nwanginya mûtigane viû na maûndû mama: marakara, mang'ûrîka, kwîgucanîra naaî, kûrumana na kwaranîria naaî.

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 5:13

Wana nîmemenyagîria gûtuîka igûta, andû a kûrûraga mîciîrî yene, andû a ngutû, andû metonyagîrîria maûndûrî ma andû arîa engî na maragia maûndû marîa mataagîrîrwe nî kwarua.

2Tim 2:23

Reganaga na ngarari cia ûrimû na gûtura ûmenyo, nîûndû we nîwîcî atî iretage înegene.

2Tim 3:3

Andû matangîtugana, andû matarî ntha, andû a ngutû, andû matûmaga andû magîa na guoya na andû mathûraga maûndû marîa maro,

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

Jakuvu 3:14

Nwatî ethîrwa ngororî cienyu mûrî na wîru, ûrûrû na wîyendi, mûtigetîîe na ûûgî wenyu, nîûndû mweka ûguo nî mûreganîte na ûma.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

1Joh 3:15

Mûndû wa wonthe ûmenete mûrwang'ina nî mûragani na nîmwîcî atî gûtirî mûragani wîthagîrwa arî na mwoyo wa tene na tene ndaarî yake.

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî