Aefeso 4:25 - ÎVUKU RÎA ÛVORO MWARO

²⁵ Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 4:25 ပူးပေါင်းရင်းမြစ်များ

1Atha 13:18

Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

Thaburi 119:29

Nthengutîria njîra cia maveeni; na nîûndû wa ûrîa wî mwaro, nthomithia watho waku.

Thaburi 15:2

Nî arîa mathîkagîra Ngai maûndûrî monthe, na vîndî cionthe mekaga maûndû marîa magîrîrîte, arîa maragia ûma kuuma ngororî ciao,

Thaburi 52:3

We nîwendete maûndû macûku gûkîra maûndû maro na nîwendete kûveenania gûkîra kwaria ûma.

Ntha 23:7

Ndûkanarie ûira wa maveeni ciirarî, na ndûkanaûragithie mûndû ûtarî na mavîtia, nîûndû nîngaatuîra mûndû wa wonthe wîkaga waganu ta ûcio.

Nthi 12:17

Mûndû ûrîa waragia ûma arutaga ûira wa ma, nwatî mûndû ûrîa ûrutaga ûira wa maveeni aragia maveeni.

Nthi 12:19

Ûma ûtûûraga tene na tene, nwatî maveeni mekaraga kavinda kanini.

Nthi 12:22

Ngai-Mûnene nîathûrîte andû arîa mavenanagia, nwatî nîakenagua nî arîa evokeku.

Nthi 21:6

Ûtonga ûgîtwe na njîra îtarî ya ma, ûmbûkaga ta ndogo na nî mûtego wa gîkuû.

Nthi 24:28

Ndûgatuîke mûira wa mûndû wîngî vatarî na gîtûmi kîganu, na ndûkaveenanie.

Nthi 6:17

varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Nthi 8:7

nîûndû mbaragia maûndû ma ma; na waganu nî mûgiro kanyuarî gakwa.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Alawi 19:11

“Mûtikanaîe kana mûveenia mûndû ûrîa wîngî.

Zakaria 8:16

Maûndû marîa mwagîrîrwe nîgwîka nî kwaranagîria ûûma mûndû na mûndû ûrîa wîngî, gûtua ciira na kîvooto kîrîa kîngîrete thayû.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Aroma 12:5

Na njîra ta îno, wana ethîrwa tûrî eengî twîthagîrwa tûrî mwîrî ûmwe na Kristû na tuonthe twîthagîrwa twovanîtue vamwe tûrî ciîga cia mwîrî ûmwe.

1Akor 10:17

Wana ethîrwa tûrî eengî, tûrî mwîrî ûmwe nîûndû kûrî mûgate ûmwe na tuonthe nîtûrîcanagîra mûgate wa ûcio ûmwe.

2Akor 7:14

Nîûndû rîrîa nonanirie mwîtîîo kûrî ke nîûndû wenyu, mue mûtianjonorithia. Kwoguo mwîtîîo wetû kûrî Tito nîwonanîtie atî nî wa ma wata ûrîa tûtwîre tûmwîraga ûma.

Aefeso 4:15

Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Aefeso 4:22

Kwoguo tiganani viû na ûmûndû wenyu ûrîa mûkûrû ûrîa mûrethagîrwa mûrî naguo mbererî. Ûmûndû ûcio ûcûkîte nîûndû wa kûrûmîrîra merirîria ma kûveenania.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

Aefeso 5:30

nîûndû tûrî ciîga cia mwîrî wake.)

Akol 3:8

Nwatî rîu nwanginya mûtigane viû na maûndû mama: marakara, mang'ûrîka, kwîgucanîra naaî, kûrumana na kwaranîria naaî.

Akol 3:9

Tigagani kûveenania, nîûndû nîmweyaûrire ûmûndû wenyu ûrîa mûkûrû wa vamwe na mîtugo yaguo

1Tim 1:10

Watho watuirwe nî ûndû wa imaramari, arûme arîa mamenyanaga kîîmwîrî na arûme arîa engî, andû arîa mendagia andû arîa engî, arîa maveenanagia na makaruta ûira wa maveeni kana andû arîa mekaga maûndû marîa mataringanîte na kîrîra kîrîa Kîam ma.

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

Tito 1:12

Mûrathi ûmwe gatagatîrî kao na wanake aarî wa kuuma Kirete, augire atîrî, “Andû a Kirete nîmaveenanagia vingo cionthe na nî acûku ta nyamû cia kîthaka na nî igûta ngoroku.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

Atir 16:11

Nake Samusoni nîwerire Delila atîrî, “Mangînthaîkania na mîkanda îno îtaanavûthîrwa rîngî, nîngîthîrwa ndarî na vinya wata andû acio engî.”