Aefeso 4:22 - ÎVUKU RÎA ÛVORO MWARO

²² Kwoguo tiganani viû na ûmûndû wenyu ûrîa mûkûrû ûrîa mûrethagîrwa mûrî naguo mbererî. Ûmûndû ûcio ûcûkîte nîûndû wa kûrûmîrîra merirîria ma kûveenania.

Aefeso 4:22 ပူးပေါင်းရင်းမြစ်များ

Ayubu 22:23

Ûngîcokerera Ngai mwene vinya wonthe na wînyivie, na ûthengutie waganu ûrîa wîkagwa gwaku mûciî;

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 49:16

Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

Aroma 7:11

Mevia nîmaagîre na mweke na njîra ya rîathani. Namo nîmaamveenererie na makîmbûraga.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

Agal 1:13

Mue nîmwîguîte ûvoro wîgiî mûtûûrîre wakwa wa na vau mbere rîrîa naarûmagîrîra ndini ya Ayahudi. Nînaanyariraga kanitha wa Ngai ndarî na ntha na nînaageragia mûno kûûthiria.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

Akol 2:11

Nîûndû wa kwîthîrwa mûrî ndaarî ya Kristû, nîmwarwithirue. Mûtiarwithua na njara cia andû, nwatî nî îrua rîrîa rîathondekirwe nî Kristû rîrîa rîatûtethûrire kuuma kûrî maavinya ma mîîrî yetû îrîa îvagia.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.

Jakuvu 1:26

Mûndû wa wonthe wîciragia nî wa ndini na ndamenyagîrîra rûrîmî rwake, ndini yake nî ya mana na nî kwîveenia eveenagia.

1Pet 1:18

Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.

1Pet 4:3

Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

2Pet 2:7

Nwatî Ngai nîwavonokirie Loti mûndû warî mûthingu. Loti aarî mûndû mûthingu. Ke nîwegwithagua kîeva nî mîtugo ya waganu ya andû arîa maareganaga na watho.

1Sam 1:14

Nake Eli nîwaûririe Hana atîrî, “Nîwîkara ûrî mûrîu nginya rî? Thengutia ûrîu waku ava.”