Aefeso 4:2 - ÎVUKU RÎA ÛVORO MWARO

² Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Aefeso 4:2 ပူးပေါင်းရင်းမြစ်များ

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Thaburi 45:4

Thiî ûrî ûnene na nîûkûvootana, ûgitîre ûûma na kîvooto, vinya waku nîûgûkûvotithia kûvootana!

Nthi 16:19

Nî kava gûtuîka mûndû mwînyivia na mûthîni, gûkîra kûgaana indo irîa itavîtwe na andû etîi.

Nthi 3:34

Nîathekagîrîra andû arîa mathekanagîrîra, nwatî nîekaga andû arîa menyivagia maûndû maro.

Mûvunjia 7:8

Kîambîrîria Kîam ûndû nî Kîamro gûkîra kîrîkîro Kîamguo. Gûkirîrîria nî kwaro gûkîra mwîtîîo.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Ndari 12:3

(Musa aarî mûndû mûvoreri mûno. Gûtirî mûndû warî mûvoreri take nthî yonthe.)

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Maariko 9:19

Nake Jesû nîwamerire atîrî, “Na kaî mue andû a rûciaro rûrû mûtiîtîkîtie-î! Nîmbîkarania namue nginya rî? Nînîmûkirîrîria nginya-rî? Ndetereni kamwana kau!”

Ciîko 20:19

Ayahudi nîmaatûmire nthînîke mûno nîûndû wa mîvango yao mîcûku. Nwatî mue nîmwicî atî nie nînatungatagîra Mwathani nîrî na wînyivia mwîngî na mavinda meengî ngetûrûraga methori.

Aroma 15:1

Tue arîa tûrî na vinya wîtîkiorî nîtwagîrîrwe nî gûtethia arîa matarî na vinya wîtîkiorî, tûtigekenagie tue ene.

1Akor 13:7

Wendani nî ûkiragîrîria maûndû monthe. Wendani ndûtigaga gwîtîkia, kwîrîgîrîra na nîûkiragîrîria vîndî cionthe.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.