Aefeso 4:16 - ÎVUKU RÎA ÛVORO MWARO

¹⁶ Nîûndû wa vinya wake, ciîga cionthe cia mwîrî nîinyitithanîtue vamwe, na mwîrî wonthe ûkovanua nî marûngo marîa ûvetwe. Kwoguo vîndî îrîa wa kîîga Kîamruta wîra wakîo na njîra îrîa yagîrîrîte, mwîrî wonthe nîûkûraga na ûkagîa na vinya ûrî na wendani.

Aefeso 4:16 ပူးပေါင်းရင်းမြစ်များ

Johana 15:5

“Nie nî nie Mûthavibu, namue nîmue mvûa. Mûndû wa wonthe wîkaraga ndaarî yakwa, nanie ngekara ndaarî yake, nîagîcaga maciaro meengî; nîûndû mûtarî vamwe na nie gûtirî ûndû mûngîvota gwîka.

Aroma 12:4

Mûndû wa wonthe gatagatîrî kenyu ethagîrwa na mwîrî ûrî na ciîga nyîngî, na ciîga icio cionthe irutaga wîra ngûrani.

1Akor 10:17

Wana ethîrwa tûrî eengî, tûrî mwîrî ûmwe nîûndû kûrî mûgate ûmwe na tuonthe nîtûrîcanagîra mûgate wa ûcio ûmwe.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Aefeso 4:12

Eekire ûguo nîguo avarîrie andû onthe a Ngai nîûndû wa wîra wa gûtungata, nîguo ekîre mwîrî wa Kristû vinya.

Aefeso 4:15

Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

Akol 2:19

na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 3:12

Mwathani arotûma wendani gatagatîrî kenyu wongerereke, na mwendage andû onthe ta ûrîa tûmwendete.

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.