Aefeso 3:7 - ÎVUKU RÎA ÛVORO MWARO

⁷ Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Aefeso 3:7 ပူးပေါင်းရင်းမြစ်များ

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

Agal 2:8

Ngai ûcio watûmire Petero atuîke mûtûmwa kûrî Ayahudi, nwake watûmire nduîke mûtûmwa kûrî andû a Ndûrîrî.

Aefeso 1:19

Mvoyaga mûmenye tue arîa twîtîkîtie ûrîa tûratethua nî vinya wake mwîngî. Vinya ûyû ûratûtethia, nwaguo vinya

Aefeso 3:2

Nîrî na ma nîmwîguîte atî Ngai na njîra ya wega wake nîwamûvere wîra ûyû nîûrute nîûndû wenyu.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Aefeso 4:16

Nîûndû wa vinya wake, ciîga cionthe cia mwîrî nîinyitithanîtue vamwe, na mwîrî wonthe ûkovanua nî marûngo marîa ûvetwe. Kwoguo vîndî îrîa wa kîîga Kîamruta wîra wakîo na njîra îrîa yagîrîrîte, mwîrî wonthe nîûkûraga na ûkagîa na vinya ûrî na wendani.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!