Aefeso 3:6 - ÎVUKU RÎA ÛVORO MWARO

⁶ Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Aefeso 3:6 ပူးပေါင်းရင်းမြစ်များ

Ezek 47:22

Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.

1Akor 12:12

Kristû ethagîrwa ekariî ta mwîrî wa mûndû ûrîa ûrî na ciîga nyîngî, nwatî nî ûmwe tu. Wana ethîrwa ciîga icio nî nyîngî cionthe ithondekete mwîrî ûmwe tu.

1Akor 12:27

Mue muonthe vamwe mûrî mwîrî wa Kristû na wa ûmwe gatagatîrî kenyu nî kîîga Kîam mwîrî ûcio.

Agal 3:14

Kristû eekire ûguo nîguo kîrathimo kîrîa Ngai eerîre Iburahimu, gîkinyîre andû a Ndûrîrî na njîra ya Jesû Kristû nîguo na njîra ya wîtîkio tûvote kwamûkîra Roho ûrîa Ngai eeranîre.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 3:3

Ngai nîwanguûrîrie nthitho ya mûvango wake na akîmenyithia yo. (Nie nîndîkîtie kwandîka ûvoro ûyû na njîra nguvî,

Aefeso 5:30

nîûndû tûrî ciîga cia mwîrî wake.)

Aefeso 5:7

Kwoguo tigagani kûgwatanîra na andû ta acio.

Akol 2:19

na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 2:25

Kîveo kîrîa Kristû aatwîrîre nî mwoyo wa tene na tene.