Aefeso 3:18 - ÎVUKU RÎA ÛVORO MWARO

¹⁸ na nîguo mûrî vamwe na andû onthe a Ngai, mûgîe na ûvoti wa kûmenya ûrîa wendo wa Kristû waramîte, ûracavîte na mwena, ûracavîte na îgûrû na ûrikîrîte.

Aefeso 3:18 ပူးပေါင်းရင်းမြစ်များ

2Maû 6:41

Rîu Ngai-Mûnene, Ngai nîngûkûthaitha ûûke ûtonye vandû ava tûgûtumîrîte na twigîte îthandûkû rîaku rîa kîrîkanîro rîrîa rîonanagia vinya waku. We Ngai-Mûnene, Ngai, nakûvoya atî rîrîa athînjîri-Ngai aku manîrîra ûvonokio waku, andû aku amûre makenage nî maûndû maku maro.

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 116:15

Gîkuû Kîam andû a Ngai-Mûnene, nî ûndû ûrî vata mbere yake.

Thaburi 132:9

Athînjîri-Ngai aku marotûûra marî athingu, na andû aku nîmanîrîre nî gûkena.

Thaburi 139:6

Ûmenyo ta ûyû nî wa magegania mûno kûrî nie, nî mwîngî mûno, ndingîvota gûtaûkîrwa nîguo.

Thaburi 145:10

Ciûmbe ciaku cionthe nîigaagûkumia, we Ngai-Mûnene, na andû onthe aku nîmagaagûcokeria ngatho.

Isaia 55:9

Nîûndû wata ûrîa îgûrû rîrî kûraca na nthî, nwaguo njîra ciakwa irî kûraca na cienyu, na nwaguo meciria makwa makîrîte menyu.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Johana 15:13

Wendo ûrîa mûnene mûndû angîonania nî kûruta mwoyo wake nîûndû wa arata ake.

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

2Akor 13:13

Wega wa Mwathani Jesû Kristû, na wendani wa Ngai, na ngwatanîro ya Roho Mûtheru îrogîa kûrî mue muonthe.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Aefeso 1:10

Mûvango ûrîa Ngai akaavingia kavinda karîa kagîrîru gakinya, nî wa gûcokanîrîria indo cionthe irîa irî îgûrû na irî nthî, na Kristû ethîrwe arî ta ke kîongo.

Aefeso 1:15

Nîûndû wa gîtûmi kîu, kuuma wa rîrîa neguire ûrîa mwîtîkîtie Mwathani Jesû na ûrîa mwendete andû onthe a Ngai

Aefeso 3:19

Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Akol 1:4

nîûndû nîtûrîkîtie kwîgua atî nîmwîtîkîtie Jesû Kristû na nîmwendete andû onthe a Ngai.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.