Aefeso 3:1 - ÎVUKU RÎA ÛVORO MWARO

¹ Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 3:1 ပူးပေါင်းရင်းမြစ်များ

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Ciîko 21:33

Nake mûnene ûcio wa athigari nîwathiîre varîa Paûlo aarî, akîmûnyita na akîathana akiuga Paûlo ovwe na mînyororo îîrî. Nake mûnene ûcio nîwacokire akîûria atîrî, “Mûndû ûyû nû, na ekîte atîa?”

Ciîko 23:18

Nake mûnene ûcio wa athigari îgana nîwavirire mwanake ûcio kûrî mûnene wa mbûtû ya athigari na akîmwîra atîrî, “Mûndû ûrîa wovetwe njeera wîtagwa Paûlo ambîtire na ambûria ndete mwanake ûyû kûrî we, nîûndû arî na ûndû arenda gûkwîra.”

Ciîko 26:29

Nake Paûlo nîwamwîrire atîrî, “Wana ethîrwa nî kavinda gakuvî kana karaca, îvoya rîakwa kûrî Ngai nî atî we na arîa engî onthe manthikîrîrîtie ûmûnthî matuîke tanie, wa tiga tu matikovwe na mînyororo ta îno!”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

2Akor 1:6

Nwatî ethîrwa nîtukûnyamarua, nîtûnyamarua nîguo mûmîrîrue na mûvonokue. Na ethîrwa tûrî aûmîrîrie, wa namue mûrî aûmîrîrie. Ûndû ûyû nî ûmûtethagîrîria kwamûkîra mûkirîrîrîtie mînyamaaro wata îrîa wanatue tûmagîrîria.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

Agal 5:11

Ariû na aarî a îthe wetû, ethîrwa nwa mvunjagia atî nî waro kûrua, nîkî kîratûma nyarirwe? Ethîrwa ûvoro ûcio nî wa ma, maûndû marîa mvunjagia megiî mûtharava wa Kristû matingîrete thîna.

Agal 5:2

Tanthikîrîriani! Nie Paûlo nîramwîra atî ethîrwa nwa mwîtîkîre kûrwithua, ûguo nî ta kuga mûtirî na vata wa Kristû wana vanini.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 3:11

Ngai eekire ûguo kûringana na ûrîa aavangîte kuuma wa Kîammbîrîria na ke aavingirie mûvango ûcio wake na njîra ya Jesû Kristû Mwathani wetû.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Aefeso 6:20

Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

Akol 4:18

Nie Paûlo nînie nandîka ngethi ino na njara ciakwa. Mûtikariganîrwe atî nîrî mwove njeera. Mûrogîa na wega wa Ngai.

Akol 4:3

Na rîrîa rîonthe mûkûvoya, tûvoyagîreni wa natue, nîguo Ngai atûvecage kanya karo ga kûvunjia ndûmîrîri îgiî nthitho ya Kristû. Kîu nîkîo gîtûmîte njovwe njeera.

2Tim 1:16

Mwathani aroîguîra andû a mûciî wa Onesiforo ntha, nîûndû aanatûma njokwe nî thayû mavinda meengî. Ke ndaanaconoka nîûndû atî nie naarî njeera,

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

File 1:1

Kuuma kûrî nie Paûlo, mûndû wovetwe njeera nîûndû wa Jesû Kristû, tûrî na Timotheo, mûriû wa Îthe wetû. Kûrî we Filemona, mûrata wetû ûrîa tûrutithanagia wîra nake,

File 1:23

Epafara ûrîa twovetwe njera nake nîûndû wa kûvunjia ûvoro mwaro wîgiî Jesû Kristû nîwamûkethia.

File 1:9

Nwatî vandû va ûguo nînîrakûthaitha nîûndû nîngwendete. Nie Paûlo nîreka ûguo wana ethîrwa rîu nîrî mûthuuri mûkûrû na rîu njovetwe njeera nîûndû wa Jesû Kristû.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.