Aefeso 2:6 - ÎVUKU RÎA ÛVORO MWARO

⁶ Ke nîwatûriûkirie tûrî kîndû kîmwe na Jesû Kristû nîguo twathane vamwe nake kûu îgûrû.

Aefeso 2:6 ပူးပေါင်းရင်းမြစ်များ

Mathaayo 26:29

Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Aefeso 1:1

Kuuma kûrî nie Paûlo, ûrîa Ngai aatuire mûtûmwa wa Jesû Kristû nîûndû ûcio nîguo warî wendi wake. Kûrî andû a Ngai arîa marî Efeso, arîa evokeku ûtûûrorî wao na marî kîndû kîmwe na Jesû Kristû.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 2:13

Nwatî rîu, nîûndû mûrî kîndû kîmwe na Jesû Kristû, mue arîa mwarî varaca na Ngai, nîmûretaretetwe vakuvî nake na njîra ya nthakame ya Kristû.

Akol 1:18

Ke nîke kîongo gîa kanitha îrîa arî yo mwîrî wake. Nîke ûtûmaga mwîrî ûgîe na mwoyo. Nîke Mûriû wa mbere kûriûkua nîguo atuîke wa mbere maûndûrî monthe.