Aefeso 2:17 - ÎVUKU RÎA ÛVORO MWARO

¹⁷ Kwoguo Kristû nîwaûkire na akîvunjia Ûvoro Mwaro wa thayû kûrî mue andû a Ndûrîrî arîa mwarî kûraca na Ngai na kûrî Ayahudi arîa maarî vakuvî nake.

Aefeso 2:17 ပူးပေါင်းရင်းမြစ်များ

Thaburi 148:14

Nîatûmîte andû ake magîe na vinya, nîguo andû ake onthe mamûgooce, andû a Isiraeli arîa endete mûno. Kumiani Ngai-Mûnene!

Thaburi 75:1

Nîtûgûgûkumia we Ngai, nîtûgûgûkumia! Nîtwanagîrîra ûnene wa rîîtwa rîaku, na tûkaaria ûvoro wa maûndû manene marîa wîkîte.

Thaburi 85:10

Wendo ûtathiraga na wîvokeku nîigaacemania, ûthingu na thayû nîikaamumunyana.

Isaia 27:5

Tiga nwa maûkire kûrî nie nîmagitîre, tiga tûgîe na thayû nao, îî, tiga tûgîe na thayû nao.”

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Mathaayo 10:13

Na ethîrwa andû arîa marî mûciî ûcio nîmamûgwata ûgeni, marathimageni; nwatî ethîrwa matinamûgwata ûgeni kîrathimo kîu nîkîmûcokerere.

Luka 15:8

“Kana ethîrwa mûndûmûka arî na ciringi îkûmi cia sîlûva, na îmwe yacio yûre-î, ekaga atîa? Na kinthî ndagwatagia taa, na akavaata nyomba agîcaragia ciringi îo na vinya nginya rîrîa akaamîona?

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Aroma 10:14

Nwatî andû mangîkaîra Mwathani atîa ethîrwa matîmwîtîkîtie? Na mangîtîkia atîa mateguîte ndûmîrîri ya Mwathani? Andû mangîgua ndûmîrîri atîa gûtarî na mûvunjia.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

Aefeso 4:21

Nîrî na ma atî nîmwîguîte ûvoro wîgiî Kristû na mûrî ake. Kwoguo nîmûthomithîtue ûma ûrîa ûrî ndaarî ya Jesû.

Gûco 4:7

“Nî vûrûri ûrîkû wana ethîrwa ûrî mûnene atîa wîthagîrwa ûrî na ngai îrî vakuvî naguo ta ûrîa Ngai-Mûnene, Ngai wetû ethagîrwa arî vakuvî natue rîrîa rîonthe twamwîta?